Incydent adbyŭsia 30 krasavika kala stancyi mietro Księcia Janusza ŭ Varšavie. Para palakaŭ prapanavała biełaruscy «viartacca va Ukrainu», a paśla joj plunuli ŭ tvar. Sprava dajšła da bojki i zajavy ŭ palicyju, piša Most.
Viadoma, što paciarpiełaj biełaruscy 22 hady, ź ich jana kala 6 hadoŭ žyvie ŭ Polščy. Raniej nikoli asabista z padobnymi situacyjami nie sutykałasia. Videa napadu na biełarusku apublikavaŭ varšaŭski pablik Warsaw.here.
U dzień napadu biełaruska hulała pa Varšavie sa svajoj siabroŭkaj, jany razmaŭlali pamiž saboj pa-rasiejsku. Raptam da ich padyšła para palakaŭ (mužčyna i žančyna). Žančyna pačała vykarystoŭvać nienarmatyŭnuju leksiku i zapatrabavała, kab «dziaŭčaty viartalisia» nazad va Ukrainu.
Dziaŭčaty spačatku nijak nie adreahavali na pavodziny minakoŭ, ale polka praciahnuła abražać ich. U niejki momant žančyna nabliziłasia da biełaruski i z abraźlivym słovam plunuła joj u tvar, a zatym paviarnułasia i chacieła pajści.
Dziaŭčyna nie zmahła ściarpieć takoje staŭleńnie i ŭdaryła žančynu nahoj pa jahadzicach. Polka paviarnułasia, schapiła biełarusku za vałasy, a jaje spadarožnik nanios niekalki ŭdaraŭ.
Biełaruscy ŭdałosia častkova źniać momant napadu na videa. Tam polka havaryła, što biełaruska jaje ŭdaryła. Pa słovach dziaŭčyny, palaki, vierahodna, byli ŭ stanie ałkaholnaha apjanieńnia.
Spačatku nichto ź minakoŭ nie sprabavaŭ umiašacca, ale paśla chtości skazaŭ, što vykliča palicyju, kali žančyna nie spynić ździekavacca nad dziaŭčynaj. Spałochaŭšysia, napadniki ŭciakli.
Biełaruska dačakałasia aŭtobusa i adpraviłasia ŭ palicejski ŭčastak, dzie zajaviła pra napad. Jaje adpravili ŭ balnicu źniać paboi, dzie lekary ŭstanavili, što ŭ jaje traŭma hałavy. Palicyja pačała rasśledavańnie pa spravie ab «publičnaj abrazie abo parušeńni niedatykalnaści pa nacyjanalnaj prykmiecie», za heta ŭ Polščy pahražaje da 3 hadoŭ pazbaŭleńnia voli.
Śpiavačka AnaMova vypuściła klip, pryśviečany zabitaj u Varšavie Lizie
U Varšavie banda padletkaŭ napała na školnika-biełarusa. Jaho vychoŭvaje maci palitźniavolenaj
«Vynieśli ŭsio, až da zubnoj pasty». Biełarusku va Urocłavie ŭdaryli pa hałavie i načysta abrabavali
U Varšavie raźvitvajucca sa zhvałtavanaj i zabitaj biełaruskaj. Na pachavańni byŭ Paźniak z žonkaj FOTA
Ciapier čytajuć
Kamientary