Інцыдэнт адбыўся 30 красавіка каля станцыі метро Księcia Janusza ў Варшаве. Пара палякаў прапанавала беларусцы «вяртацца ва Украіну», а пасля ёй плюнулі ў твар. Справа дайшла да бойкі і заявы ў паліцыю, піша Most.
Вядома, што пацярпелай беларусцы 22 гады, з іх яна каля 6 гадоў жыве ў Польшчы. Раней ніколі асабіста з падобнымі сітуацыямі не сутыкалася. Відэа нападу на беларуску апублікаваў варшаўскі паблік Warsaw.here.
У дзень нападу беларуска гуляла па Варшаве са сваёй сяброўкай, яны размаўлялі паміж сабой па-расейску. Раптам да іх падышла пара палякаў (мужчына і жанчына). Жанчына пачала выкарыстоўваць ненарматыўную лексіку і запатрабавала, каб «дзяўчаты вярталіся» назад ва Украіну.
Дзяўчаты спачатку ніяк не адрэагавалі на паводзіны мінакоў, але полька працягнула абражаць іх. У нейкі момант жанчына наблізілася да беларускі і з абразлівым словам плюнула ёй у твар, а затым павярнулася і хацела пайсці.
Дзяўчына не змагла сцярпець такое стаўленне і ўдарыла жанчыну нагой па ягадзіцах. Полька павярнулася, схапіла беларуску за валасы, а яе спадарожнік нанёс некалькі ўдараў.
Беларусцы ўдалося часткова зняць момант нападу на відэа. Там полька гаварыла, што беларуска яе ўдарыла. Па словах дзяўчыны, палякі, верагодна, былі ў стане алкагольнага ап'янення.
Спачатку ніхто з мінакоў не спрабаваў умяшацца, але пасля хтосьці сказаў, што выкліча паліцыю, калі жанчына не спыніць здзекавацца над дзяўчынай. Спалохаўшыся, нападнікі ўцяклі.
Беларуска дачакалася аўтобуса і адправілася ў паліцэйскі ўчастак, дзе заявіла пра напад. Яе адправілі ў бальніцу зняць пабоі, дзе лекары ўстанавілі, што ў яе траўма галавы. Паліцыя пачала расследаванне па справе аб «публічнай абразе або парушэнні недатыкальнасці па нацыянальнай прыкмеце», за гэта ў Польшчы пагражае да 3 гадоў пазбаўлення волі.
Спявачка AnaMova выпусціла кліп, прысвечаны забітай у Варшаве Лізе
У Варшаве банда падлеткаў напала на школьніка-беларуса. Яго выхоўвае маці палітзняволенай
«Вынеслі ўсё, аж да зубной пасты». Беларуску ва Уроцлаве ўдарылі па галаве і начыста абрабавалі
У Варшаве развітваюцца са згвалтаванай і забітай беларускай. На пахаванні быў Пазняк з жонкай ФОТА
Цяпер чытаюць
Рэпрэсіі разганяюцца ці запавольваюцца? Давайце лічыць6
Каментары