«Śviatłana — fantastyčnaja». Kali b Borys Džonsan byŭ biełarusam, jon prahałasavaŭ by za Cichanoŭskuju
Były premjer-ministr Vialikabrytanii Borys Džonsan daŭ intervju vydańniu «Lusterka», u jakim padzialiŭsia dumkami pra rolu Biełarusi ŭ vajnie, Łukašenku, pieramieny, damovy z aŭtarytarnymi režymami i pra toje, što budzie, kali da ŭłady pryjdzie Donald Tramp. Siarod inšaha jon raskazaŭ, jak stavicca da Śviatłany Cichanoŭskaj.
— Vy sustrakalisia sa Śviatłanaj Cichanoŭskaj. Na vašu dumku, jana moža stać tym čałaviekam, jaki zmoža damahčysia demakratyčnych pieramienaŭ u Biełarusi?
— Dumaju, tak. Jana vydatny čałaviek. Dla mianie było vialikim honaram paznajomicca ź joj. Ja dumaju, što vielmi važna, što Pucin nie zmoh uciahnuć Biełaruś u vajnu suprać Ukrainy tak, jak jon spadziavaŭsia. Ja padazraju, što jon viedaje, što nasamreč mnohija biełarusy na baku Ukrainy, jany ličać, što nie varta teraryzavać krainu tolki tamu, što jana sama vybiraje svoj los, choča abirać svaich lidaraŭ i mieć svaju demakratyju.
Tamu, ja dumaju, toje, što robić Śviatłana i jaje kamanda, praciahvajučy razmaŭlać z zachodnimi lidarami, praciahvajučy raskazvać pra toje, što nasamreč adbyvajecca ŭ Biełarusi, vielmi važna.
Adna z pryčyn, pa jakoj mnie tak chaciełasia pahavaryć z vami, zaklučajecca ŭ tym, što ja nie dumaju, što na Zachadzie dastatkova daśviedčanyja adnosna taho, što adbyvajecca ŭ Biełarusi i nakolki važnaja budučynia Biełarusi.
— Kali b vy byli hramadzianinam Biełarusi, vy b prahałasavali za Śviatłanu Cichanoŭskuju?
— Adnaznačna prahałasavaŭ by.
Adnojčy, kali ja byŭ meram Łondana, ja pajechaŭ u Ńju-Jork, kab sustrecca z maim starym siabram, Majkłam Błumbierham, jaki tady bałatavaŭsia ŭ treci raz na pasadu mera. I ja skazaŭ jamu: «Jak nakont taho, kab ja padtrymaŭ ciabie? Kali ja zrablu zajavu ŚMI ŭ padtrymku ciabie?»
A jon padumaŭ niekatory čas i adkazaŭ, što ŭ cełym nie piarečyŭ by, kali b ja padtrymaŭ jaho apanienta, heta mahło b być bolš vyhadna z elektaralnaha punktu hledžańnia (śmiajecca).
Ale ŭ kožnym razie ja dumaju, što Śviatłana — fantastyčnaja. Jana vyjhrała vybary, praŭda?! Ja b padtrymaŭ kandydata ad demakrataŭ, viadoma.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija12
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
počiemu-to nie vyriezali etot momient