Śviet11

U Niamieččynie pačaŭsia sud nad zmoŭščykami, jakija rychtavali vajskovy pieravarot

U niamieckim Štutharcie pačynajecca pieršy z troch pracesaŭ pa spravie ruchu «Rejchśbiurhier», čalcy jakoha asprečvajuć lehitymnaść sučasnaj hiermanskaj dziaržavy. Pavodle acenak niamieckich śpiecsłužbaŭ, ruch «Rejchśbiurhier» u Hiermanii naličvaje kala 20 tysiač čałaviek, kala 2300 ź jakich charaktaryzujucca jak «hatovyja prymianić hvałt».

U niamieckim Štutharcie pačynajecca pieršy z troch pracesaŭ pa spravie ruchu «Rejchśbiurhier». Fota: Thomas Lohnes / Getty Images

Usiaho na łavie padsudnych akazałasia 27 čałaviek. Dzieviaci členam vajskovaha kryła hrupoŭki pradjaŭleny abvinavačańni ŭ teraryźmie i dziaržaŭnaj zdradzie. Dziesiać kiraŭnikoŭ hrupoŭki buduć sudzić asobna, praces pačniecca ŭ Frankfurcie 21 maja. Praces pa spravie astatnich abvinavačanych pačniecca ŭ Miunchienie 18 červienia, piša BBC. 

Siarod abvinavačanych — pradstaŭnik rodu fon Rojs — dynastyi, jakoj niadaŭna spoŭniłasia 900 hadoŭ. U materyjałach spravy jon prachodzić jak prync Rojs. 

Padpolny ruch «Hramadzianie rejcha» nie pryznaje ciapierašniuju demakratyčnuju niamieckuju dziaržavu i vystupaje, u pryvatnaści, za adnaŭleńnie Hiermanii ŭ miežach da 1939 hoda. 

Prakuratura śćviardžaje, što zmoŭščyki mieli namier šturmam zachapić bundestah, zrynuć demakratyčnuju ŭładu, pastavić na čale dziaržavy svajho lidara i adnavić toj dziaržaŭny ład Hiermanskaj impieryi, što isnavała na 1871 hod.

Dla hetaha jany ź listapada 2021 hoda pravodzili pastajannyja schody, a taksama zajmalisia viarboŭkaj dziejnych i byłych vajskoŭcaŭ, nabyćciom zbroi i arhanizacyjaj trenirovak.

U niamieckim Štutharcie pačynajecca pieršy z troch pracesaŭ pa spravie ruchu «Rejchśbiurhier». Fota: Thomas Lohnes / Getty Images

Jany ŭžo zapłanavali stvareńnie novych ministerstvaŭ zamiežnych spraŭ, justycyi i achovy zdaroŭja i namiecili, chto stanie na čale hetych viedamstvaŭ. 

Pa słovach prakuroraŭ, jany dobra razumieli, što nie zmohuć dasiahnuć svaich met biez hvałtu ŭ dačynieńni da pradstaŭnikoŭ dziaržavy, u tym liku zabojstvaŭ, i byli da hetaha hatovyja. 

U śniežni 2022 hoda niamieckaja palicyja aryštavała 25 zmoŭščykaŭ. 

Rejdy z udziełam bolš za 3 tysiač supracoŭnikaŭ palicyi i śpiecsłužbaŭ prajšli adnačasova ŭ 130 miescach u 11 ziemlach Hiermanii, a taksama ŭ Aŭstryi i Italii. Było kanfiskavana bolš za 380 adzinak ahniastrelnaj zbroi, a taksama amal 150 tysiač adzinak bojeprypasaŭ. 

Pres-sakratar vajskovaj raźviedki Hiermanii tady skazaŭ ahienctvu Reuters, što siarod členaŭ hrupoŭki jość adzin dziejny sałdat sa śpiecnaza i niekalki vajskoŭcaŭ u zapasie. 

Akramia taho, u skład hrupy, pavodle źviestak prakuratury, uvachodziła bierlinski sudździa i deputat bundestaha ad pravaj partyi «Alternatyva dla Hiermanii» ŭ 2017-2021 hadach Birhit Malzak-Vinkieman. 

«Abvinavačanych abjadnoŭvaje hłybokaje nieprymańnie dziaržaŭnych instytucyj i svabodny, demakratyčny ład dziaržavy ŭ Fiederatyŭnaj Respublicy Hiermanija», — zajaviła prakuratura. 

Pavodle acenak niamieckich śpiecsłužbaŭ, ruch «Rejchśbiurhier» u Hiermanii naličvaje kala 20 tysiač čałaviek, kala 2300 ź jakich charaktaryzujucca jak «hatovyja prymianić hvałt». 

Ich abjadnoŭvajuć ksienafobskija i antysiemickija pierakanańni. Jany abviarhajuć demakratyju i prytrymlivajucca pramanarchičnych pohladaŭ. 

Deutsche Welle cytuje słovy reparciora Tobijasa Hinsburha, jaki vosiem miesiacaŭ pad prykryćciom pracavaŭ u asiarodździ prychilnikaŭ ruchu: «Rejchśbiurhiery» nie zjaŭlajucca cełasnaj hrupaj ci niezaležnaj formaj ekstremizmu. Heta chutčej teoryja zmovy, jakaja hłyboka ŭkaraniłasia ŭ niamieckim hramadstvie i nacyjanał-sacyjaliźmie». 

Ale jon adznačyŭ, što hrupa padzialaje idei ŭsich ultrapravych aktyvistaŭ: «Heta ideja adnastajnaha hramadstva biez čužyncaŭ».

Kamientary1

  • 30-ja dyvizija
    29.04.2024
    Dziaržzdradu na karyść jakoj dziaržavy im inkryminujuć? Toje samaje, što łukašysty inkryminujuć našym patryjotam))) Libierastyčny kanclahier. Naša Niva, raskažy čytačam, jak žorstka źbivaje palicyja žycharoŭ Irłandyi, jakija pratestujuć suprać zavozu mihrantaŭ u ich maleńki haradok ;)

Ciapier čytajuć

Stali viadomyja akaličnaści zabojstva pad Oršaj adnaho rasijskaha palicejskaha druhim4

Stali viadomyja akaličnaści zabojstva pad Oršaj adnaho rasijskaha palicejskaha druhim

Usie naviny →
Usie naviny

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia13

Miadźviedzieŭ raskazaŭ, kolki rasijan padpisali vajskovyja kantrakty, i mocna razyšoŭsia z Pucinym1

U Francyi dziciačy chirurh hvałciŭ pacyjentaŭ, kali jany byli pad narkozam5

Siłaviki pryjšli ŭ «Viačerni Babrujsk», «Babrujsk Info» i «Volnaje Hłybokaje»8

Žančyna paskardziłasia, što kiroŭca aŭtobusa nie adčyniŭ joj dźviery, choć jašče nie pajechaŭ. Ale ci abaviazany?2

Hihin anansavaŭ kardynalnuju źmienu vyhladu budynka Nacyjanalnaj biblijateki16

Tramp: Na praciahu dvuch tydniaŭ stanie jasna, ci vodzić nas Pucin za nos14

Rasija prapanuje ŭkraincam sustrecca 2 červienia11

Praź dzieviać miesiacaŭ paśla vyzvaleńnia pamior palitviazień Valeryj Bohdan7

bolš čytanych navin
bolš łajkanych navin

Stali viadomyja akaličnaści zabojstva pad Oršaj adnaho rasijskaha palicejskaha druhim4

Stali viadomyja akaličnaści zabojstva pad Oršaj adnaho rasijskaha palicejskaha druhim

Hałoŭnaje
Usie naviny →

Zaŭvaha:

 

 

 

 

Zakryć Paviedamić