Vyjšaŭ na volu Andrej Dźmitryjeŭ. Jon adsiedzieŭ prysudžanyja jamu paŭtara hoda
Ź viciebskaj kałonii 20 krasavika vyzvaliŭsia lidar «Havary praŭdu» i kandydat u prezidenty — 2020 Andrej Dźmitryjeŭ.
Suzasnavalnik i sustaršynia abjadnańnia «Havary praŭdu» Andrej Dźmitryjeŭ byŭ kandydatam na prezidenckich vybarach 2020 hoda. Jaho zatrymali 11 studzienia 2023 hoda.
Sud pryznaŭ palityka vinavatym pavodle častki pieršaj artykuła 342 Kryminalnaha kodeksu — arhanizacyja hrupavych dziejańniaŭ, jakija hruba parušajuć hramadski paradak. Jamu prysudzili hod i šeść miesiacaŭ kałonii va ŭmovach ahulnaha režymu.
Pavodle abvinavačańnia, Dźmitryjeŭ udzielničaŭ u troch akcyjach pratestu, nibyta znachodziŭsia na prajeznaj častcy darohi, błakavaŭ i zastupaŭ šlach transpartnym srodkam, admaŭlaŭsia vykonvać patrabavańni supracoŭnikaŭ milicyi spynić hetyja dziejańni.
Paźniej Dźmitryjeŭ byŭ uniesieny ŭ «śpis ekstremistaŭ». Pravaabaroncy pryznali jaho palitviaźniem.
Jak paviedamlałasia, Dźmitryjeŭ adbyvaŭ svoj termin u papraŭčaj kałonii №3 pad Viciebskam. Tam jon pracavaŭ na ačystcy drotu ad izalacyi, a ŭ volny čas vučyŭsia pisać levaj rukoj i vyvučaŭ ispanskuju movu. Pakul mužčyna znachodziŭsia ŭ źniavoleńni, u jaho pamierła maci.
Pa našych padlikach, termin źniavoleńnia ŭ Andreja Dźmitryjeva musiŭ zakančvacca 21 krasavika. Jak viadoma, u niadzielu vyzvaleńnie nie pravodzicca, tamu data vyzvaleńnia Dźmitryjeva ssunułasia na dzień raniej.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary