Zajavy ab tym, što miesiendžar źviazany z rasijskimi ŭładami, vyhadnyja kankurentam, što bačać pahrozu ŭ chutkim raźvićci miesiendžara, miarkuje Duraŭ.
Śćviardžeńni, što Telegram padkantrolny rasijskim uładam, raspaŭsiudžvajuć ludzi, jakija majuć «vielmi abmiežavanaje ŭjaŭleńnie» pra toje, adkul źjaviŭsia miesiendžar. Pra heta zasnavalnik płatformy Pavieł Duraŭ zajaviŭ u intervju Takieru Karłsanu, piša RBK.
«Mahčyma, ich mohuć zaachvočvać našy kankurenty, jakija bačać u hetym prosty sposab nas dyskredytavać, bo, vy bačycie, Telegram raspaŭsiudžvajecca z chutkaściu lasnoha pažaru», — ličyć jon.
Pa słovach pradprymalnika, u miesiendžar štodnia rehistrujucca 2,5 młn karystalnikaŭ, ich ahulnaja kolkaść dasiahnuła 900 młn, što stała «svajho rodu pahrozaj» dla kankurujučych hulcoŭ.
«Ja nie ździŭleny, što isnuje takoje mierkavańnie, bo našy kankurenty traciać dziasiatki miljardaŭ na markietynh i viadomyja tym, što vykarystoŭvajuć PR dla takich kampanij», — skazaŭ Duraŭ.
Ideja stvaryć Telegram pryjšła Duravu, kali jon jašče byŭ u Rasii i trapiŭ u «vielmi stresavuju situacyju», raspavioŭ biznesoviec.
Ź jahonych słoŭ, kali Duraŭ jašče kiravaŭ sacsietkaj «UKantakcie», ułady zapatrabavali ad jaho padać asabistyja źviestki arhanizataraŭ pratestaŭ va Ukrainie. Jon admoviŭsia, paśla čaho da jaho prychodzili ź pieratrusam siłaviki.
Sa słoŭ Durava, jamu prapanavali dva varyjanty: albo padparadkoŭvacca patrabavańniam rasijskaha kiraŭnictva, albo pradać dolu va Vk.com, syści z pasady hienieralnaha dyrektara i pakinuć krainu.
«Ja vybraŭ apošniaje», — skazaŭ jon.
Duraŭ paviedamiŭ, što vyrašyŭ stvaryć Telegram, bo «zrazumieŭ, što nie isnuje biaśpiečnych srodkaŭ kamunikacyi».
Duraŭ byŭ zvolnieny z pasady hiendyrektara «UKantakcie» viasnoj 2014 hoda. Paśla hetaha jon paviedamiŭ, što znachodzicca nie ŭ Rasii i nie płanuje viartacca, bo kraina «nie sumiaščalnaja ź internet-biznesam».
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi
Kamientary
On vybrał i to i druhoje