U pamočnika Łukašenki pa ahulnych pytańniach znajšli try kvatery ŭ Minsku
Infarmacyju pra majomaść pamočnika Łukašenki Mikałaja Łatyšonka raźviedała «Lusterka».
Mikałaj Łatyšonak byŭ pryznačany pamočnikam Łukašenki ŭ ahulnych pytańniach jašče ŭ 2018 hodzie. Pa stanie na siaredzinu 2021 hoda čynoŭnik, pa źviestkach Belpol, byŭ prapisany ŭ internacie Kiraŭnictva spravami Łukašenki na Mahiloŭskaj, 39 u Minsku.
Adnak pry hetym va ŭłasnaści Łatyšonka jość try kvatery ŭ biełaruskaj stalicy. Heta dvuchpakajovaja kvatera płoščaj 56,5 «kvadrataŭ» na Varanianskaha, 50. Cahlany dom palepšanaj płaniroŭki byŭ pabudavany ŭ 1998 hodzie. U hetaj kvatery prapisanyja žonka i dačka Łatyšonka.
Jašče adna kvatera pamočnika Łukašenki raźmiaščajecca ŭ samym centry Mienska — u domie na Čyrvonaarmiejskaj, 22a na bierazie Śvisłačy. Acanić košt hetaj dvuchpakajovaj kvatery płoščaj 86,4 «kvadrata» nie ŭdałosia. Adnak pradpryjemstva «Dypservis» paviedamlaje, što zdaje ŭ hetym domie šykoŭnyja ŭładkavanyja kvatery, jakija padyduć dla kiraŭnikoŭ i supracoŭnikaŭ dyppradstaŭnictvaŭ, mižnarodnych arhanizacyj, konsulskich ustanoŭ, zamiežnych i sumiesnych pradpryjemstvaŭ. Dom znachodzicca na zakrytaj terytoryi pad achovaj z kruhłasutačnaj dyśpietčarskaj.
Treciaja kvatera Łatyšonka — trochpakajovyja apartamienty płoščaj 75,8 «kvadrata» — raźmiaščajecca ŭ domie №19 pa vulicy Tyškievičaŭ u rajonie mietro «Michałova». Panelny dom zdali ŭ 2014 hodzie. Adnapakajoŭka na 40 «kvadrataŭ « sa ścipłym ramontam tut pradajecca za 59 900 dalaraŭ.
Taksama na Mikałaja Łatyšonka zarehistravany aŭtamabil Mazda 6 2014 hoda vypusku. U žonki i dački nieruchomaści i transpartu ŭ siaredzinie 2021 hoda nie było.
Łatyšonak viadomy tym, što paśla zakančeńnia adnaho z maršaŭ 30 žniŭnia 2020 hoda vyjšaŭ pahavaryć z pratestoŭcami kala Pałaca Niezaležnaści. Jon sprabavaŭ pierakanać ludziej, što «bolšaść u Biełarusi za Łukašenku», a infarmacyju pra katavańni na Akreścina jon nazvaŭ «pamnožanaj na 100 minimum».
Stała viadoma, jakimi aŭtamabilami vałodajuć Kačanava i siemji jaje dźviuch dačok
Stała viadoma, kolki zarablaje kiraŭnik administracyi Łukašenki
Ad amal 6000 da 270 rubloŭ. Kolki zarablajuć łukašenkaŭskija ideołahi?
Kolki zarablajuć łukašenkaŭckija deputaty ŭ pravincyi? Ich dachodam pazajzdrościać mnohija
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary