U Vjetnamie prysudzili da śmiarotnaha pakarańnia miascovuju miljarderku
U Vjetnamie da śmiarotnaha pakarańnia prysudzili mahnatku ŭ śfiery nieruchomaści — 67-hadovuju Čyonh Mi Łan. Pryčynaj dla vyniasieńnia takoha surovaha prysudu stała machlarstva na 12 młrd dalaraŭ, piša Bi-bi-si.
Kiraŭnica bujnoj kampanii Van Thinh Phat Čyonh Mi Łan — adna ź niamnohich žančyn, asudžanych u Vjetnamie da śmiarotnaha pakarańnia za finansavyja złačynstvy.
Jana była pryznanaja vinavataj u atrymańni kredytaŭ na sumu 304 tryljony donhaŭ (kala 12,5 młrd dalaraŭ) ad Saigon Commercial Bank. A viarnuć jaje patrabujuć našmat bolš — 27 młrd dalaraŭ.
Sama Čyonh Mi Łan vinu nie pryznała i ŭskłała vinu na svaich padnačalenych. Jak paviedamiŭ ahienctvu Reuters adzin z členaŭ siamji Łan, jana źbirajecca abskardzić prysud.
Razam z Čyonh Mi Łan pierad sudom paŭstali jašče 85 čałaviek, jany čakajuć prysudaŭ.
Pavodle źviestak abvinavačvańnia, Čyonh Mi Łan — žonka zamožnaha hankonhskaha biznesmiena, jaki taksama znachodzicca pad śledstvam, — z dapamohaj padroblenych zajavak na atrymańnie kredytaŭ vyvodziła hrošy z SCB, u jakim joj faktyčna naležała 90% akcyj.
Palicyja śćviardžaje, što achviarami afiory stali ŭsie trymalniki ablihacyj SCB, jakija nie mahli źniać svaje hrošy i nie atrymali ni pracentaŭ, ni vypłat pa asnoŭnym abaviazku z momantu aryštu Łan. Ad afiory paciarpieła kala 42 tysiač čałaviek.
U chodzie sudovaha pracesu prakurory zajavili, što aryštavali bolš za tysiaču abjektaŭ nieruchomaści, jakija naležali Łan. A chabar u pamiery 5,2 młn dalaraŭ, jaki dali Łan i supracoŭniki SCB vjetnamskim čynoŭnikam, kab schavać parušeńni i drennaje finansavaje stanovišča banka, stała najbujniejšaj u historyi Vjetnama.
Sudovy praces, jaki pačaŭsia 5 sakavika i skončyŭsia raniej zapłanavanaha terminu, staŭ častkaj kampanii pa baraćbie z chabarnictvam, jakoje hienieralny sakratar Kamunistyčnaj partyi Vjetnama Nhujen Fu Čonh na praciahu mnohich hadoŭ abiacaŭ vykaranić, choć adčuvalnych vynikaŭ pakul niašmat.
«Takoha pakazalnaha pracesu, jak hety, nie było, ja dumaju, nikoli za ŭsiu kamunistyčnuju epochu», — havoryć Devid Braŭn, adstaŭny supracoŭnik Dziarždepartamienta ZŠA ź vialikim dośviedam pracy ŭ Vjetnamie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary