Minkult Biełarusi adnios da parnahrafii demanstracyju nietradycyjnych adnosin
Ministerstva kultury ŭniesła źmieny ŭ instrukcyju, jakaja rehłamientuje vypusk, prakat, prodaž i rekłamu eratyčnaj pradukcyi i tavaraŭ seksualnaha pryznačeńnia. Ciapier demanstracyja nietradycyjnych adnosin adniesiena da parnahrafii. Što ličycca nietradycyjnymi adnosinami, Minkult taksama vyznačyŭ.
Ministerstva kultury Biełarusi adniesła naŭmysnuju demanstracyju nietradycyjnych pałavych adnosin i pałavych pavodzin da parnahrafii, raspaŭsiudžvańnie jakoj zabaroniena.
Što Minkult kvalifikuje jak nietradycyjnyja pałavyja adnosiny?
Zhodna z dakumientam, pad hetym majecca na ŭvazie homaseksualizm, leśbijskija i bisieksualnyja adnosiny, paliamoryja, piedafilija, zaafilija, niekrafilija, sadyzm, mazachizm, vuajeryzm (padhladvańnia za aholenymi ludźmi i (abo) ludźmi, jakija ŭstupili ŭ seksualnyja adnosiny), ekshibicyjanizm, fietyšyscki tranśviestyzm (nadziavańnie adzieńnia supraćlehłaha połu, kab damahčysia pałavoha ŭzbudžeńnia), a taksama transseksualizm («žadańnie žyć i ŭsprymacca navakolnymi jak asoba supraćlehłaha połu, zvyčajna supravadžajecca adčuvańniem dyskamfortu ad svajho anatamičnaha połu abo pačućciom niedarečnaści svajoj pałavoj prynaležnaści»).
Piedafiliju Minkult traktuje jak seksualnyja adnosiny pamiž ludźmi, adzin ź jakich nie dasiahnuŭ uzrostu 18 hadoŭ, chacia ŭzrost seksualnaj zhody ŭ Biełarusi — 16 hadoŭ.
Pastanova nabudzie moc 12 krasavika.
My nazirajem, jak u Rasii z ŁHBT robiać taki ž strach, jaki nacysty rabili ź jaŭrejaŭ. Što heta aznačaje dla biełarusaŭ
Viarchoŭny sud Rasii abviaściŭ «ruch ŁHBT» ekstremisckaj arhanizacyjaj
Hamafobny treš u Rasii: staronku hurta «Tatu» prykryli, a papularnamu mulciku pastavili markiroŭku «ad 18 hadoŭ»
Kamientary