Ksienija Lebiedzieva pryznała, što adkazy śpiavački Meryjem u intervju na Vaładarcy pierazapisvali vosiem razoŭ
U vypusku na jutub-kanale «Žyćcio-malina» śpiavačka i byłaja palitźniavolenaja Meryjem Hierasimienka raskazała, što ŭ SIZA dała intervju Ksienii Lebiedzievaj z BT, jakoje nie pakazali. Lebiedzievu heta, padobna, začapiła, i jana vyrašyła vykłaści niekalki momantaŭ z taho intervju.
Intervju zapisvałasia 23 śniežnia 2022 hoda. Na kadrach bačna, jak advakatka padkazvaje Meryjem, što lepš adkazać. Śpiavačka prosić jašče raz paŭtaryć Lebiedzievu jaje pytańnie, a paśla sprabuje sfarmulavać adkaz.
Lebiedzieva havoryć, što intervju pierazapisvali «razoŭ vosiem». Čamu jano tak i nie vyjšła, prapahandystka nie tłumačyć.
U intervju žurnalistu Mikicie Miełkazioravu Meryjem kazała, što na zapisie taho intervju siadzieli taksama supracoŭniki prakuratury. Adkazy jany rychtavali z advakatkaj. Śpiavačka ličyć, što intervju nie vyjšła ŭ efir, bo im moh nie spadabacca jaje adkaz na pytańnie: «Jak vy staviciesia da apazicyi ŭ Biełarusi?» (Lebiedzieva heta pytańnie nie pakazała).
«Ja skazała, što ŭ kožnaj dziaržavie, jakaja raźvivajecca, pavinna być kanstruktyŭnaja apazicyja. … Heta viadzie hramadstva da raźvićcia. Nie moža być adnaho pohladu na rečy, padziei. U ludziej pavinna być prava vybaru», — dzialiłasia Hierasimienka, što adkazvała na hetaje pytańnie.
Śpiavačka adznačała, što adkazvała na pytańni z ulikam svaich intaresaŭ — heta była mahčymaść vyjści z-za krataŭ. U vyniku Meryjem atrymała try hady chatniaj chimii.
«Pratasievičam ja nie budu». Śpiavačka Meryjem u SIZA dała intervju Ksienii Lebiedzievaj — ale jaho tak i nie pakazali
Śpiavačku Meryjem zatrymlivali hubazikaŭcy. «Paśla maimi kartkami raspłačvalisia dva miesiacy — amal 900 jeŭra»
Śpiavačka i byłaja palitźniavolenaja Meryjem Hierasimienka vyjšła zamuž
Meryjem Hierasimienka raskazała, što vychodzić zamuž za chłopca, jakoha departavali ź Biełarusi
Ciapier čytajuć
«Łukašenka prosta nie viedaje». Jabaćku, jaki vykładaŭ u tyktok videa pra bulinh dački, pasadzili na paŭtara miesiaca8
Kamientary