«Čamu vy nie palicie piečy asudžanymi?» Žamčužny raskazaŭ pra prapahandystku Krasoŭskuju, jakaja ŭcierłasia da pravaabaroncaŭ
Były palitviazień Michaił Žamčužny ŭ novym vypusku TOK zhadaŭ pra asablivaści dziejnaści Aleny Kaśpiarovič. Ciapier jana pad proźviščam Krasoŭskaja publikujecca ŭ haziecie «SB. Biełaruś siehodnia» i chodzić u tym liku na palityčnyja sudy.
Alena Kaśpiarovič była siarod supracoŭnikaŭ pravaabarončaj arhanizacyi «Płatforma». Dahetul jana była supracoŭnicaj MUS i pracavała ŭ miedsančastcy papraŭčaj ustanovy.
Žamčužny nazyvaje Kaśpiarovič ahientam KDB. Jon ličyć, što viarboŭka adbyłasia da pačatku pracy žančyny ŭ «Płatformie» i dadaje:
«U kožnuju pravaabarončuju arhanizacyju jak minimum dva supracoŭniki KDB ukaraniajucca, kab pastupała niezaležnaja pravieranaja infarmacyja. Hałoŭnaja zadača takich supracoŭnikaŭ — pieraškadžać pracavać».
Paśla taho, jak pa inicyjatyvie Kaśpiarovič była zakryta pravaabarončaja arhanizacyja «Płatforma», jana arhanizavała svaju pravaabarončuju arhanizacyju.
«Joj adzinaj u Biełarusi dazvolili aformić arhanizacyju, jakaja zajmajecca manitorynham miescaŭ pazbaŭleńnia svabody», — adznačaje były palitviazień i raspaviadaje adnu z historyj.
«Jana jeździła z manitorynham pa ŭsich kałonijach Biełarusi. Adnojčy (jak zhadvali prysutnyja pry hetym źniavolenyja) padčas naviedańnia kałonii № 14 jana ŭbačyła, što batarei chałodnyja i dazvoliła sabie zaŭvahu: «Čamu vy nie palicie piečy asudžanymi?»
Žamčužny zaŭvažaje, što Kaśpiarovič nie zachacieła ź im sustrakacca, kali pryjazdžała ŭ kałoniju, dzie ŭ toj čas jon adbyvaŭ pakarańnie, niahledziačy na patrabavańnie ź jaho boku ab takoj sustrečy.
Mužčyna zhadvaje, što Alena Kaśpiarovič jak miedyk schavała sapraŭdnuju pryčynu śmierci źniavolenaha ŭ IČU horada Viciebska:
«Pryčynaj jaho śmierci stali naniesienyja padčas źbićcia ŭ IČU traŭmy z-za niezakonnaha ŭžyvańnia śpiecsrodkaŭ. Jon pamior padčas pieramiaščeńnia ŭ balnicu. Kaśpiarovič heta schavała ad pravaabarončych arhanizacyj, patłumačyła śmierć sindromam, jaki byŭ paśla apjanieńnia. Byccam čałaviek zahinuŭ z-za častaha ŭžyvańnia ałkaholu».
Hladzicie całkam:
Kaśpiarovič, Karpovič… Chto takaja prapahandystka Alena Krasoŭskaja, jakaja śviedčyła suprać viasnoŭcaŭ
Palitviazień Žamčužny raskazaŭ, jak jaho sprabavali atrucić u ŠIZA ŭ kałonii ŭ Horkach
«Mnie prapanoŭvali za pačak cyharet ustupić u intymnuju suviaź ź inšym asudžanym»
Palitviazień Žamčužny: Mianie sprabavaŭ źbić smatračy, za heta inšyja źniavolenyja apuścili jaho
Kamientary
POMNIM I NIE PRABAČYM