«Ź pierabojami, ale pracuje». U turahienctvie raskazali, jak biełarusam samastojna atrymać vizu ŭ Polšču pa novaj schiemie
Turapieratarka biełaruskaha turystyčnaha ahienctva «Ziebra» zapisała karysny rolik ab pracy polskaha vizavaha centra, jaki źmianiŭ sistemu vieryfikacyi z 4 krasavika, zaŭvažyŭ Telegraf.news.
«Na ździŭleńnie, sistema pracuje. Ź pierabojami, ale ŭčora i siońnia mnohija sapraŭdy zmahli zapisacca», — raskazała turapieratarka.
Pavodle jaje słoŭ, źmieny zakranuli niekalki momantaŭ. Tak, ciapier pry samastojnym afarmleńni vizy biełarusam dla taho, kab uvajści ŭ akaŭnt, treba nabrać parol na kłavijatury, jakaja źjaŭlajecca na ekranie. Paśla hetaha na elektronnuju poštu pavinien pryjści parol, jaki taksama treba ŭvieści ŭ patrebnaje pole.
Turapieratarka zaŭvažyła, što apieracyja ź pieršaha razu moža i nie atrymacca, bo parol prychodzić na praciahu 10 chvilin, a jaho «termin dziejańnia» ŭsiaho tolki 5 chvilin.
Paśla taho, jak karystalnik uviadzie svaje pašpartnyja źviestki, jon patrapić na staronku vieryfikacyi, dzie treba budzie pakazać na kamieru svoj pašpart i zrabić sełfi.
Paśla ŭsich praviedzienych apieracyj karystalnik piarojdzie na staronku rehistracyi, dzie zmoža zabrać nieabchodnaje jamu miesca.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?11
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary