Na eks-prarektarku VNU zaviali kryminałku za hrašovyja pieravody palitviaźniam. Heta pieršy padobny vypadak
U vinu 63-hadovaj Natalli Malec staviać 125 paštovych hrašovych pieravodaŭ. I voś jak arhumientujuć «skład złačynstva».
Da piensii žančyna pracavała prarektaram pa vučebna-vychavaŭčaj rabocie i sacyjalnym pytańniam Instytuta kiraŭničych kadraŭ Akademii kiravańnia.
U studzieni 2023 joj samoj prysudzili paŭtara hoda chatniaj chimii (pa art. 369 KK — abraza pradstaŭnika ŭłady). Śledčy kamitet vinavaciŭ žančynu ŭ tym, što ŭ sakaviku 2021 jana ŭ telehramie pisała «abrazy na adras pradstaŭnikoŭ ułady».
Ale na hetym pieraśled nie skončyŭsia.
U vieraśni 2023, jašče padčas adbyćcia pakarańnia, jaje źmiaścili ŭ SIZA za «sadziejničańnie ekstremisckaj dziejnaści».
«Uvahu pravaachoŭnikaŭ pryciahnuła padazronaja aktyŭnaść žančyny ŭ ažyćciaŭleńni hrašovych pieravodaŭ. Ledź nie štodnia jana adpraŭlała roznyja sumy na rachunki hramadzian, jakija ŭtrymlivajucca ŭ śledčych izalatarach. (…) Fihurantka pieravodziła hrošy vyklučna asobam, jakija ŭčynili złačynstvy ekstremisckaj nakiravanaści.
Praściej kažučy, spačuvała i dapamahała tym, chto zajmaŭsia padryŭnoj dziejnaściu ŭ dačynieńni da Biełarusi, udzielničaŭ u masavych biesparadkach, hramiŭ haradskuju infrastrukturu, užyvaŭ hvałt u dačynieńni da pravaachoŭnikaŭ, publikavaŭ ich asabistyja danyja ŭ sietcy internet», — tak traktuje jaje ŭčynki SK.
U śniežni 2023-ha jaje ŭklučyli ŭ skład ekstremisckaha farmiravańnia «Listy salidarnaści Biełaruś 2020». Heta była fejsbuk-supołka, dzie ludzi dzialilisia listami ad palitviaźniaŭ.
«Usiaho žycharka Bresta ažyćciaviła nie mienš za 125 paštovych hrašovych pieraličeńniaŭ na adras nie mienš za 114 asob na sumu bolš za 1500 rubloŭ», — piša SK.
Admietna, što achviaravańni jana, miarkujučy pa ŭsim, rabiła z ułasnaj piensii.
Žančynu abvinavačvajuć pa č. 1 art. 361-4 (sadziejničańnie ekstremisckaj dziejnaści). Joj pahražaje da šaści hadoŭ kałonii.
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ13
Kamientary
Povtorienija 1991 - kohda vsie biełyje i pušistyje libierały vsiech avansom prostili, vmiesto toho čtoby vsiu hbšnuju i kommunističieskuju padal pieriesadiť - bolšie nam nie nado. A jeśli rozovyje projevropiejskije tolerasty načnut svoju rozovuju pieśniu pieť pro amnistii i "my žie nie takije" - značit śletiat sami v mih. Jeśli etich niežienok voobŝie kto-to vybieriet pośle ich totalnoj biespoleznosti.