Biełaruska choča atrymać kampiensacyju za maralnuju škodu ad pskoŭskich desantnikaŭ i Minabarony RF
U Homielskim abłasnym sudzie 2 krasavika razhladajecca apielacyja pa hramadzianskaj spravie, adkazčykami pa jakoj pryznačany 237-y hvardziejski desantna-šturmavy połk (v/č 12865) i 76-ja hvardziejskaja desantna-šturmavaja dyvizija (v/č 0726). Asobna ŭ śpisie adkazčykaŭ značycca i Ministerstva abarony RF, zaŭvažyŭ «Fłahštok».
Zajaŭnik — Natalla Całujka, jakaja dabivajecca ŭ sudzie kampiensacyi maralnaj škody.
Pra sutnaść spravy pakul ničoha nie viadoma, ale havorka idzie pra desantnikaŭ tych samych vajskovych čaściej, jakija šturmavali Ukrainu z terytoryi Biełarusi ŭ 2022 hodzie. Mienavita 237-y hvardziejski desantna-šturmavy połk teraryzavaŭ Hastomiel i Buču, a zatym byŭ pierakinuty na Chiersonščynu, dzie jaho značnaja častka była źniščana.
Pazoŭ u pieršaj instancyi razhladaŭ sud Chojnickaha rajona, adkul, u tym liku, rasijskija vojski ŭryvalisia va Ukrainu.
Miarkujučy pa hetych danych, maralnuju škodu desantniki mahli nanieści miascovaj žycharcy padčas znachodžańnia ŭ Biełarusi. Zychodziačy z taho, što zajaŭnica padała apielacyju, možna mierkavać, što rajonny sud Chojnikaŭ admoviŭ u zadavalnieńni jaje poźvie.
Prybyćcio rasijskich vojskaŭ u 2022 hodzie na terytoryju Biełarusi pryviało da pavieličeńnia kolkaści DTZ i złačynstvaŭ. Vierahodna, što hety sud zjaŭlajecca takim śviedčańniem.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary