Homielski pravakatar Kakojta spytaŭ u administracyi Łukašenki ab zakonnaści tatuiroŭki z Pahoniaj. Paśla hetaha ŭ jaho pačalisia prablemy
Homielski pravakatar Jaŭhien Katlaroŭ (Kakojta) nie źjaŭlajecca ŭ sacsietkach paśla taho, jak zajaviŭ, što moža trapić na «sutki». U apošnim apublikavanym videa jon raskazaŭ, što da jaho stali prajaŭlać cikavaść siłavyja struktury paśla jahonaha zvarotu ŭ administracyju Łukašenki.
Na novaje videa pravakatara źviarnuŭ uvahu «Fłahštok».
Raniej hamialčuk nie raz chvaliŭsia tym, što nabiŭ sabie vialikuju tatuiroŭku z «Pahoniaj». Ale ŭ apošnija hady za tatuiroŭki z nacyjanalnymi simvałami Biełarusi milicyja stała pieraśledavać hramadzian i prymušać da vydaleńnia tatuiroŭki.
Heta i matyvavała Katlarova źviarnucca pa tłumačeńni ŭ administracyju Łukašenki. Jon adpraviŭ list z prośbaj rastłumačyć, ci možna nasić tatuiroŭku z nacyjanalnym hierbam «Pahonia» na plačy «bieź jakich-niebudź pravakacyj i zabaronienych simvolik». Bo hierb nosić status historyka-kulturnaj kaštoŭnaści i ŭžyvajecca ŭ hieraldycy mnohich biełaruskich haradoŭ, paviedamiŭ jon administracyi Łukašenki.
Pa słovach Katlarova, «adkaz pryjšoŭ sapsavany» — prymacavany da elektronnaha lista fajł akazaŭsia paškodžanym i nie adkryvaŭsia. A paśla paŭtornaha zvarotu jamu patelefanavaŭ śledčy i zapatrabavaŭ pryjechać u SK dla «niejkaha dopytu».
Katlaroŭ apublikavaŭ skrynšot pierapiski sa śledčym z prośbaj vysłać pozvu i pakazać, u jakaści kaho i pa jakoj spravie jaho vyklikajuć, ale toj admoviŭsia. A zatym hamialčuk atrymaŭ sms-paviedamleńnie z vyklikam u sud Čyhunačnaha rajona pa hramadzianskaj spravie. Z pazovam ab spahnańni zarobku z pradpryjemstva «Fidyja Pčołka» ŭ sud źviartaŭsia sam Katlaroŭ.
«Pavodle niepaćvierdžanaj infarmacyi, dyrektaram źjaŭlajecca były milicyjant. U nas da jaho surjoznyja pretenzii na vialikuju sumu hrošaj. Składajučy ŭsie hetyja padziei — kamuści znoŭ treba, kab ja nie trapiŭ u sud, a trapiŭ na IČU, kab prapuścić terminy razhladu», — zrabiŭ vysnovu Katlaroŭ.
Jon aburyŭsia tym, što «ŭ našaj krainie, kali pačynaješ z čymści raźbiracca, i tam zaviazanyja mianty, niazručnyja pytańni, pačynajuć presavać».
«Naša sistema nastolki słabaja, što prymianiaje karnyja miery zanadta časta i nie pa spravie», — zajaviŭ pravakatar.
Jon vykazaŭ zdahadku, što ŭ dačynieńni da jaho «znoŭ buduć uklučanyja represiŭnyja miery, znoŭ IČU, znoŭ vyšuk», i heta moža być źviazana jak z sudovym razhladam, tak i ź listom u administracyju Łukašenki, albo sa skarhaj, jakuju jon pisaŭ paśla pryjomu ŭ abłvykankamie. Z momantu publikacyi hetaha videa inšych rolikaŭ Katlaroŭ nie vykładvaŭ i z 22 sakavika nie abnaŭlaŭ svaje staronki.
Nieviadoma, ci heta nie čarhovy rozyhryš Katlarova.
«Zrabiŭ vysnovu, što našyja zmahary mieli racyju». Praŭładny pravakatar schadziŭ na pryjom u abłvykankam i rasčaravaŭsia va ŭładzie
«Čyj Krym, kažy. Słabo?» Bondarava najechała na homielskaha pravakatara
«Mnie nie zastajecca ničoha, akramia jak abviaščać haładoŭku». Homielskaha pravakatara Katlarova buduć sudzić
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam8
Kamientary