Treš-błohiera Mellstroy źniali ź biełaruskaha i rasijskaha vyšuku za dapamohu dzieciam
Treš-błohiera rodam z Homiela Andreja Buryma, viadomaha pad nikam Mellstroy, źniali z vyšuku ŭ Biełarusi i Rasii paśla jahonych zajaŭ ab dapamozie dziciačym damam u Biełarusi. Praŭda, za im jašče zastajecca doŭh pierad rasijskaj padatkovaj, ale zusim niaznačny, paviedamlajuć rasijskija telehram-kanały.
Andrej Burym paabiacaŭ zakupić sportinvientar i adzieńnie ŭ kožnuju z 500 ustanoŭ, jakija zajmajucca ŭładkavańniem dziaciej-sirot u Biełarusi. Paśla hetaha imia błohiera źnikła z baz vyšuku abiedźviuch krain, kudy jaho ŭnieśli za admovu iści ŭ biełaruskaje vojska.
Doŭh rasijskaj padatkovaj jon całkam, praŭda, jašče nie pakryŭ, ale suma ŭžo kapieječnaja: za svajo pradpryjemstva ŭ śfiery hramadskaha charčavańnia błohier pavinien tolki 9 tysiač rasijskich rubloŭ (kala 100 dalaraŭ).
Pry hetym strymier Mellstroy, jaki ciapier žyvie ŭ Turcyi, rehularna traplaje ŭ skandalnyja naviny, razdajučy svaim hledačam varjackija zadańni i abiacajučy za ich ščodra zapłacić. Paśla, praŭda, hetyja abiacanki nie zaŭsiody strymlivaje. Tak, litoŭski chłopčyk, jaki daścipna paprasiŭ prezidenta svajoj krainy Hitanasa Naŭsiedu pieradać pryvitańnie Mellstroy, z dvuch miljonaŭ dalaraŭ, jakija za heta paabiacanyja, zmoža atrymać dobra kali «tolki» 100 tysiač. Inšamu čałavieku było admoŭlena ŭ vypłacie miljarda rasijskich rubloŭ (kala 11 miljonaŭ dalaraŭ) za raźmiaščeńnie nika Mellstroy na Miesiacy.
Skandalnuju viadomaść Mellstroy atrymaŭ u 2020 hodzie, kali padčas adnaho sa svaich strymaŭ źbiŭ dziaŭčynu. Paśla hetaha na Buryma zaviali kryminalnuju spravu. U vyniku jamu pryznačyli paŭhoda vypraŭlenčych rabot i štraf.
Niekatory čas błohier žyŭ u Dubai, a ŭ lutym hetaha hoda pierasialiŭsia ŭ Turcyju.
Homielski błohier Mellstroy znoŭ admoviŭsia płacić paabiacanyja vialikija hrošy za vykanańnie svajho dzivackaha žadańnia
Prezident Litvy pieradaŭ vitańnie skandalna viadomamu biełaruskamu videabłohieru. Jak tak vyjšła?
Homielski vajenkam Kryvanosaŭ paabiacaŭ zrabić z treš-strymiera Mellstroy «hodnaha bajca»
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary