Homielski błohier Mellstroy znoŭ admoviŭsia płacić paabiacanyja vialikija hrošy za vykanańnie svajho dzivackaha žadańnia
Uradženiec Homiela treš-błohier Mellstroy viadomy tym, što razdaje roznaha rodu «zadańni», za vykanańnie jakich prapanuje vielizarnyja sumy. Adnym z takich śviežych «zadańniaŭ» było raźmiaścić fota ci nik Mellstroy nie dzie-niebudź, a prosta na Miesiacy! Na heta strymier abiacaŭ miljard rasijskich rubloŭ (kala 11 miljonaŭ dalaraŭ), pišuć «Mocnyja naviny».
Jak ni dziŭna, znajšoŭsia čałaviek, jaki hetaje varjackaje zadańnie vykanaŭ. U siecivie źjaviłasia videa, jakoje zapisaŭ žychar anieksavanaha Rasijaj Sievastopala Dźmitryj.
Chłopiec raskazaŭ, što zarehistravaŭsia pad nikam Mellstroy u prahramie NASA. Pavodle jahonych słoŭ, pa hetaj prahramie ŭ kosmas pavinien adpravicca miesiacachod z šyldačkami, na jakich napisanyja imiony ŭdzielnikaŭ. Tamu chłopiec upeŭnieny, što vykanaŭ «zadańnie», bo praz hetuju schiemu nik Mellstroy sapraŭdy źjavicca na Miesiacy.
Dźmitryj padzialiŭsia hetaj infarmacyjaj z administratarami Mellstroy, ale tam jaho čakaŭ abłom. «Čałaviek paprasiŭ mianie skinuć jamu paćviardžeńnie. Ja skinuŭ, u vyniku — apynuŭsia ŭ błoku», — panarakaŭ chłopiec.
Pa słovach Dźmitryja, jamu nasamreč nie patrebny miljard rasijskich rubloŭ. Ale jamu, maŭlaŭ, kryŭdna, «što taki papularny čałaviek nie vykonvaje svaich abiacańniaŭ».
Heta, adnak, nie pieršy raz, kali padpisčyk nie atrymlivaje ad hetaha strymiera abiacanych hrošaŭ. Tak, litoŭski chłopčyk, jaki daścipna paprasiŭ prezidenta svajoj krainy Hitanasa Naŭsiedu pieradać pryvitańnie Mellstroy, z dvuch miljonaŭ dalaraŭ, jakija za heta paabiacanyja, zmoža atrymać dobra kali «tolki» 100 tysiač.
Mellstroy — heta ŭradženiec Homiela Andrej Burym. Skandalnuju viadomaść jon atrymaŭ u 2020 hodzie, kali padčas adnaho sa svaich strymaŭ źbiŭ dziaŭčynu. Paśla hetaha na Buryma zaviali kryminalnuju spravu. U vyniku jamu pryznačyli paŭhoda vypraŭlenčych rabot i štraf.
Niekatory čas błohier žyŭ u Dubai, a ŭ lutym hetaha hoda pierasialiŭsia ŭ Turcyju. Tam jon chavajecca ad zaviedzienaj kryminalnaj spravy za ŭchileńnie ad słužby ŭ armii.
Prezident Litvy pieradaŭ vitańnie skandalna viadomamu biełaruskamu videabłohieru. Jak tak vyjšła?
Homielski vajenkam Kryvanosaŭ paabiacaŭ zrabić z treš-strymiera Mellstroy «hodnaha bajca»
Homielskaha treš-błohiera abjavili ŭ vyšuk u Rasii i zaviali kryminalnuju spravu ŭ AAE
Raździavańnie dziaŭčat, pjanki ŭ pramym efiry. Što takoje treš-błohierstva ŭ Biełarusi i čamu ŭłady nie pryznajuć jaho ekstremizmam
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary