Hamialčuk znajšoŭ čužyja hrošy i sprabavaŭ ukłaści ich u biznes, ale prahareŭ i zarabiŭ kryminalnuju spravu, piša «Biełka».
Historyja pačałasia ŭ studzieni minułaha hady. 19-hadovy student adnoj z homielskich VNU znajšoŭ u šafie maci skrynku sa stadołaravymi kupiurami. Vyciahnuŭ niekalki banknot i pačaŭ čakać dalejšaha raźvićcia padziej. Nieŭzabavie chłopiec zrazumieŭ, što prapaža zastałasia niezaŭvažanaj, tady jon staŭ u skarbonku zazirać usio čaściej.
Hrošy jon vyrašyŭ nie prasadžvać, a ŭkładvać u spravu: kuplaŭ mabilnyja pryłady z metaj pieraprodažu, hulaŭ na kryptabiržy.
Adnak startapy pośpiechu nie prynieśli. Nabytyja smartfony pryjšłosia pierapradać navat nižej za ich sabiekošt. Na biržy chłopiec taksama prahareŭ.
Razam z tym za hod pačak dołaraŭ u maminaj šafie schudnieŭ z 9 500 dołaraŭ da 300.
Jak paźniej vyśvietliłasia, hrošy nie naležali siamji. Vyručku ad prodažu mašyny daŭ na časovaje zachoŭvańnie maci jaje znajomy.
Prapažu znajšli, kali ŭładalniku dołaraŭ spatrebilisia hrošy na lačeńnie paśla ciažkaj chvaroby.
Viartali ŭładalniku jaho źnikłyja źbieražeńni ŭsim śvietam. Ale sabrać udałosia tolki małuju častku. 500 dołaraŭ dali babula ź dziadulem, tysiaču — baćka chłopca, jaki pražyvaje asobna. Z kaštoŭnaściaŭ u abvinavačanaha tolki noŭtbuk i mabilnik, dy i tyja nabytyja ŭ rasterminoŭku, jakaja jašče nie pahašana.
Chłopiec pryznaŭsia ŭ kradziažy i raskajaŭsia. Adnak heta nie vyzvaliła jaho ad adkaznaści. Za kradziež u bujnym pamiery ŭ dačynieńni da maładoha čałavieka zaviali kryminalnuju spravu.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary