Siońnia rankam Žanna Łaŭrova vyjšła ŭ efir u tyktoku.
Padrabiaznaści ŭčorašniaha dnia jana nie raspaviadała. Skazała, što zastajecca sa svaimi hledačami i źbiahać nie źbirajecca. «Ja chaču žyć u svajoj krainie, mnie tut spakojna, dobra. Miljon razoŭ heta kazała».
Jana raspaviała, što ŭčora zakryła kamientary — u suviazi «ź pierakručanymi videa stolki brudu lijecca».
Taksama jana padziakavała tym, chto ŭčora padtrymaŭ jaje, i tym, chto «pierakruciŭ ». «Heta dla mianie taksama vializny dośvied, vializnyja vyvady, tamu taksama dziakuj», — skazała jana.
Učora HUBAZiK napisaŭ, što Žanna Łaŭrova zatrymanaja. Kanały žančyny niejki čas byli niedastupnyja, ale ich adnavili.
U adnym z apošnich strymaŭ Łaŭrova skazała, što «jaje sasiski trochu padhareli, bo prylacieŭ bumieranh, tamu što joj škada i ŭkrainskich dziaciej». Hetyja słovy vydraŭ z kantekstu (ź niekalkich chvilinaŭ roliku pakinuŭšy 10 siekund) prapahandyst Kanstancin Prydybajła. Jon apublikavaŭ u svaich sacsietkach dopis, dzie zaklikaŭ siłavikoŭ aryštavać žančynu.
Łaŭrovaj pahražali kryminalnaj spravaj za «prapahandu teraryzmu» i siamiu hadami turmy. U jakim statusie znachodzicca žančyna, nieviadoma.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami5
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary