Lidary Jeŭrasajuza zaklikali pieravieści ekanomiku na «vajenny režym»
U čaćvier, 21 sakavika, premjer-ministry krain Jeŭrasajuza sabralisia ŭ Bruseli, kab abmierkavać pytańni ŭmacavańnia vajskovaj siły aljansa i padtrymku Ukrainy ŭ vajnie z Rasiejaj. Kiraŭnik Jeŭrapiejskaj rady pry hetym zaklikaŭ palitykaŭ da pieravodu ekanomiki na «vajenny režym».
«Ciapier, kali my sutyknulisia z samaj vialikaj pahrozaj biaśpieki z časoŭ Druhoj suśvietnaj vajny, nastaŭ čas raspačać radykalnyja i kankretnyja kroki dla abarony. Treba być hatovymi pastavić ekanomiku Jeŭrasajuza na vajennuju asnovu», — napisaŭ u liście da lidaraŭ Jeŭrasajuza prezident Jeŭrapiejskaj rady Šarl Mišel.
Na paradak dnia samitu, jak daviedałasia vydańnie The Guardian, vynieśli pytańni akazańnia «chutkaj vajennaj dapamohi Ukrainie» pa prykładzie niadaŭniaj inicyjatyvy Čechii, jakoj udałosia zakupić 300 tys. artyleryjskich snaradaŭ na zamiežnych rynkach ŭsiaho za try tydni.
Taksama jeŭrapiejskija premjer-ministry vynieśli na razhlad pytańnie ab nieabchodnaści raspracavać abaronnuju palityku, pakolki, ź ich słoŭ, «apošnija piać-dziesiać hadoŭ usio zvodziłasia da skaračeńnia abaronnaha biudžetu». U pryvatnaści ŭ ES prapanavali ideju vypusku «abaronnych ablihacyj», jakija mohuć pavialičyć patok inviestycyj u hetuju halinu.
Sprečnaje pytańnie ab «kanfiskacyi miljardaŭ jeŭra pracentaŭ pa rasijskich aktyvach» na karyść Ukrainy taksama vynieśli na abmierkavańnie, adnak dypłamaty ŭpeŭnienyja, što hetyja prapanovy pa-raniejšamu spałučanyja ź jurydyčnymi ciažkaściami i ryzykami.
«Heta vielmi składanaja prapanova, tamu što jana absalutna ŭnikalnaja i heta było zroblena ŭpieršyniu, z raznastajnymi nastupstvami z punktu hledžańnia jurydyčnaha razhalinavańnia, patencyjna sistemnymi, finansavymi i ekanamičnymi ryzykami», — skazaŭ adzin z dypłamataŭ.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary