Finlandyja siomy hod zapar pryznana samaj ščaślivaj krainaj u śviecie
Śledam za joj iduć try skandynaŭskija krainy: Danija, Isłandyja i Šviecyja.
Finlandyja siomy hod zapar pryznanaja samaj ščaślivaj krainaj śvietu, havorycca ŭ apublikavanym u sieradu štohadovym dakładzie AAN «Suśvietny dakład pra ščaście».
U pieršuju dvanaccatku samych ščaślivych krain uvajšli Danija, Isłandyja, Šviecyja, Izrail, Niderłandy, Narviehija, Luksiemburh, Šviejcaryja, Aŭstralija, Novaja Ziełandyja i Kosta-Ryka.
Usiaho ŭ śpisie 143 krainy, samy apošni Afhanistan.
Biełarusi ŭ śpisie niama. Čechija — 18-ja, Litva — 19-ja, Estonija — 34-ja, Polšča — 35-ja, Łatvija — 46-ja, Rasija — 72-ja, Ukraina — 105-ja.
Upieršyniu z 2012 hoda, kali byŭ apublikavany pieršy «Suśvietny dakład pra ščaście», u lik 20 samych ščaślivych krain nie ŭvajšli ni ZŠA, ni Niamieččyna, jakija apuścilisia na 23-je i 24-je miescy adpaviedna. Tady jak susiedniaja Aŭstryja — 14-ja, a Kanada — 15-ja.
U paraŭnańni z 2006-2010 hh., samaje vialikaje padzieńnie indeksa ščaścia adbyłosia ŭ Afhanistanie, Livanie i Iardanii, a samy vialiki rost — u Sierbii, Bałharyi i Łatvii.
Indeks ščaścia vymiarajecca takimi subjektyŭnymi kryterami, jak acenka ludźmi ŭzroŭniu svajho ščaścia i ich zadavolenaść žyćciom, a taksama abjektyŭnymi pakazčykami, takimi jak vałavy ŭnutrany pradukt na dušu nasielnictva, dastupnaść sacyjalnaj padtrymki, praciahłaść zdarovaha žyćcia, svaboda i ŭzrovień karupcyi, piša Delfi.lv.
Daśledčyk univiersiteta Chielsinki Dženifier de Paoła adznačyła, što ŭzrovień ščaścia finaŭ u asnoŭnym vyznačajecca ich ciesnaj suviaźziu z pryrodaj i bałansam zdarovaha i aktyŭnaha žyćcia.
«Finskaje hramadstva charaktaryzujecca ŭzajemnym davieram, svabodaj i vysokaj stupieńniu aŭtanomii», — adznačaje daśledčyk.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik35
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć14
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary