Za ŭdzieł u akcyjach pratestu ŭ Minsku asudzili supracoŭnika «Biełarusbanka» da «chatniaj chimii»
Sud Frunzienskaha rajona Minska 27 lutaha vynies prysud byłomu supracoŭniku «Biełarusbanka» 35-hadovamu Arturu Filipavu, abvinavaciŭšy jaho va ŭdziele ŭ masavych akcyjach pratestu ŭ 2020 hodzie pavodle č. 1 art. 342 Kryminalnaha kodeksa. Spravu razhladała sudździa Ała Skuratovič, piša «Viasna».
Artura zatrymali 15 śniežnia minułaha hoda i skłali pratakoł administracyjnaha pravaparušeńnia za «vyrab, raspaŭsiud i (albo) zachavańnie ekstremisckich materyjałaŭ» (art. 19.11 KaAP).
Paźniej źjaviłasia videa, dzie mužčyna kaža, što nibyta prajšoŭ rehistracyju ŭ čat-bocie płana «Pieramoha» i ŭdzielničaŭ u pratestach. Taksama jaho prymusili skazać, što jon byŭ padpisany na «destruktyŭnyja kanały» i dasyłaŭ infarmacyju ŭ čat-boty Nexta, «Hołas», «Biełaruś hałaŭnoha mozha».
U spravie fihurujuć epizody jahonaha ŭdziełu ŭ pratestach 23 i 30 žniŭnia, 13 i 20 vieraśnia 2020 hoda.
U sudovym pasiadžeńni Filipaŭ vinu pryznaŭ častkova, rastłumačyŭ, što 23 žniŭnia 2020 hoda pry ŭdziele ŭ niesankcyjanavanym masavym mierapryjemstvie na prajeznuju častku nie vychodziŭ. Ad dačy pakazańniaŭ admoviŭsia.
Sud pryznačyŭ jamu pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu na termin try hady («chatniaja chimija»).
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary