Zatrymali pracaŭnika Biełarusbanka, jaki ŭdzielničaŭ u biełaruskich šeściach z 2015-ha
HUBAZiK zmušaje jaho razmaŭlać turemnym žarhonam.
Zatrymali 35-hadovaha Artura Filipava. Minčuk u 2006-m pastupiŭ na ekanamista ŭ Mižnarodny instytut kiravańnia i pradprymalnictva. A paśla skančeńnia instytuta pracavaŭ u banku — apošnim miescam pracy mužčyny staŭ Biełarusbank.
U videa siłavikoŭ mužčyna kaža, što ŭdzielničaŭ u šeściach pad nacyjanalnaj simvolikaj z 2015 hoda. HUBAZiK demanstruje adzin z fotazdymkaŭ Andreja padčas šeścia ŭ Kurapaty na Dziady, apošniaje takoje prachodziła ŭ 2019-m.
Dniami jaho zatrymali. Andreju zakidajuć udzieł u pratestach, padpiski na roznyja «ekstremisckija» kanały, pierasyłańnie infarmacyi ŭ čat-boty miedyja i «Hołas», a taksama «raspaŭsiud nacysckaj simvoliki».
U kancy videa jaho zmušajuć skazać «viečar u chatu, čyfir u radaść, fartu maść».
U mužčyny nie pačyščanyja adkrytyja staronki ŭ sacsietkach. Vyhladaje, heta i stała pieršapačatkovaj pryčynaj jahonaha zatrymańnia.
«Naša Niva» — bastyjon biełaruščyny
PADTRYMAĆCiapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary