Čverćfinał na tenisnym turniry ŭ Kalifornii pamiž druhoj i šostaj rakietkami śvietu spynili z-za našeścia pčoł
Roj akazaŭsia maleńkim — usiaho 3500 pčoł.
Matč 1/4 finału prestyžnaha turniru ATP (Asacyjacyi tenisistaŭ-prafiesijanałaŭ) u Indyjan-Uełsie pamiž Karłasam Alkarasam i Alaksandram Źvieravym byŭ spynieny z-za našeścia pčoł.
Arhanizatary źviarnulisia da pčalara Łensa Devisa, jaki adhuknuŭsia na «ekstrany vyklik». Jon pryjechaŭ na stadyjon i pačaŭ źbirać pčoł biez usialakich achoŭnych kaściumaŭ. Pavodle jaho słoŭ, roj akazaŭsia maleńkim — usiaho 3500 pčoł.
Praź dźvie hadziny tenisisty ŭsio ž dahulali pajadynak. Viktoryju śviatkavaŭ ispaniec, druhaja rakietka śvietu Karłas Alkaras.
Aryna Sabalenka ŭ žanočaj sietcy turniru vylecieła ŭ 1/8 finału, Viktoryja Azaranka ŭ 1/16 finału.
Kamientary