Bojfrend Sabalenki stanie hałoŭnym trenieram minskaha «Dynama» i zbornaj Biełarusi pa chakiei
Takija źviestki maje žurnalist «Sport-Ekspresa» Michaił Ziślis.
«Za apošni tydzień prykładna 100 tysiač čałaviek mnie skazali, što [rasijski śpiecyjalist] Dźmitryj Kvartalnaŭ nie zastaniecca ŭ minskim «Dynama», a jaho zamienić i ŭ kłubie, i ŭ zbornaj Kanstancin Kalcoŭ. Bolš mnie dadać niama čaho. Žyvicie z hetym», — cytuje Ziślisa «Sport Biełarusi».
Učora minskaje «Dynama» vylecieła z Kubka Haharyna, prajhraŭšy sieryju maskoŭskim adnakłubnikam ź likam 2:4.
Biełaruskaje «Dynama» za 15 hadoŭ jašče ni razu nie prachodziła ŭ druhi raŭnd Kubka Haharyna.
Što da chakiejnaj zbornaj Biełarusi, to paśla poŭnamaštabnaha ŭvarvańnia Rasii va Ukrainu biełaruskija i rasijskija zbornyja adchilenyja ad mižnarodnych spabornictvaŭ, hulajučy tavaryskija matčy pamiž saboj, a taksama zbornymi Kitaja i Kazachstana. Hetaj viasnoj zbornyja Biełarusi i Rasii ŭžo treci raz nie voźmuć udziełu ŭ čempijanacie śvietu.
***
Pra adnosiny druhoj rakietki śvietu Aryny Sabalenki i Kanstancina Kalcova stała viadoma ŭletku 2021 hoda. Pryčym paviedamlałasia, što eks-chakieist dziela maładoj tenisistki kinuŭ žonku z tryma dziećmi. Zaraz Sabalenka žyvie ŭ Fłarydzie (ZŠA). Roźnica va ŭzroście ŭ Kanstancinam składaje 17 hadoŭ.
Kanstancin Kalcoŭ hulaŭ za «Junactva», minskaje «Dynama», «Sievierstal», «Ak Bars», «Spartak» i inšyja rasijskija kłuby. Za kłub Nacyjanalnaj chakiejnaj lihi «Pitsburh Pinhvinz» u 2002—2006 hadach pravioŭ 144 matčy (7-je miesca siarod biełaruskich chakieistaŭ), zabiŭ 12 šajbaŭ i zrabiŭ 26 pieradačaŭ.
Za zbornuju Biełarusi Kalcoŭ zhulaŭ 123 matčy, nabraŭ 55 bałaŭ (34 šajby, 21 halavy pas). Z 2017 hoda — trenier, zaraz asistent u «Sałavat Jułajevie» (Ufa, Baškartastan).
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2
Kamientary