U Niamieččynie źbili 18-hadovaha aŭtara 4200 danosaŭ. Jon vystupiŭ za adradžeńnie «Štazi»
U minułym chłopiec staviŭ na avatarku lidara kamunistaŭ HDR Erycha Choniekiera.
Za apošni čas 18-hadovy Nikłas Matei z Hrefienchajnichiena (ziamla Saksonija-Anchalt na ŭschodzie Niamieččyny) staŭ viadomy na ŭsiu krainu. Jon nazyvaje siabie ŭ sacsietkach «majstram danosaŭ», za minuły hod jon napisaŭ na ziemlakoŭ 4227 skarh. U ich liku — danosy na halinku, jakaja ŭpała na darohu, i hučny pyłasos.
Niadaŭna Nikłas pachvaliŭ śpiecsłužby Kitaja i ŭspomniŭ pra «Štazi» — represiŭnym Ministerstvie dziaržbiaśpieki HDR. Pa źviestkach Bild, u minułym chłopiec staviŭ na avatarku lidara kamunistaŭ HDR Erycha Choniekiera.
«Absalutny kantrol ja liču pravilnym. Heta dapamahaje tamu, kab ludzi lepš dumali, ci parušajuć jany zakon. Z tym, chto vykonvaje zakon, ničoha nie moža zdarycca, — skazaŭ junak haziecie Welt.
— Užo pavinna być niešta nakštałt «Štazi». Nie ŭ takim maštabie. U ich było psichałahičnaje pryhniečańnie. Takich mietadaŭ nie pavinna być. Ale absalutny kantrol, ja dumaju, heta narmalna».
«Novaja «Štazi» pavinna sačyć tolki za hramadskaj prastoraj i karać za parušeńni. Ale ja dystancujusia ad takich mietadaŭ, jak «psichałahičnaje pryhniečańnie» i tamu padobnych», — dadaŭ jon u intervju Bild.
Jon taksama paćvierdziŭ, što ŭviečary 2 sakavika na čyhunačnaj płatformie pry vychadzie z elektryčki jaho źbiŭ futbolny fanat. «Majstar danosaŭ» trapiŭ u balnicu, u jaho skrali smartfon. «Napeŭna, heta z-za majoj papularnaści», — skazaŭ Nikłas.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary