Nievierahodny Jan Obłak vyciahnuŭ madrydski «Atletyka» ŭ čverćfinał Lihi čempijonaŭ
U matčy 1/8 finału madrydcy ŭ sieryi pienalci spynili miłanski «Inter», niedasiahalny ŭ turnirnaj tablicy Sieryi A i finalista minułaj futbolnaj Lihi čempijonaŭ.
Try tydni tamu «Inter» doma pieramoh ź likam 1:0.
Siońnia «Atletyka» na svaim poli ŭ Madrydzie vyrvaŭ pieramohu ŭ asnoŭny čas 2:1, i pakolki prava vyjaznoha hoła ŭžo nie dziejničaje, byŭ pryznačany dadatkovy čas, u jakim hałoŭ nie było.
Jak vynik, usio vyrašyłasia ŭ sieryi pienalci.
Nievierahodny słavienski hałkipier «Atletyka» adbiŭ udary Aleksisa Sančesa i Davi Kłasena, a kapitan «Intera» Łaŭtara Marcinies prabiŭ vyšej varot — 3:2.
«Atletyka» — u čverćfinale.
Raniej čverćfinalistami stali «Barsiełona», «Reał», «Mančester Sici», «Arsienał», «Bavaryja», «Barusija» Dortmund, PSŽ.
Losavańnie 1/4 finału adbudziecca ŭ piatnicu. Matčy projduć 9-10 i 16-17 krasavika.
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi47
Kamientary