Kamu z palitykaŭ najbolš daviarajuć kalinoŭcy? Zianonu Paźniaku
Pra heta namieśnik kamandzira Pałka Kalinoŭskaha Vadzim Kabančuk raskazaŭ u novym vypusku «Tok».
Pa słovach Kabančuka, siarod biełaruskich palitykaŭ kalinoŭcy najbolš daviarajuć Zianonu Paźniaku.
«U jaho rename takoha adkrytaha i česnaha palityka, jaki ŭ hrantavych, finansavych spravach uvohule nie zadziejničany. I jaki ŭ pryncypie pradkazaŭ padziei, što adbyvajucca ciapier. Jaho viadomyja prahnozy pa rasijskim impieryjaliźmie, na žal, spraŭdzilisia», — tłumačyć Kabančuk.
Jak viadoma, Paźniak nazyvaje Cichanoŭskuju ahientkaj Kramla. Kabančuk u heta nie vieryć.
«Tady heta atrymlivajecca niejki dziŭny ahient. Tamu što Śviatłana Hieorhijeŭna patrapiła ŭ palityku źnianacku. Faktyčna, z-za svajho muža, jakoha pasadzili ŭ turmu. Na jaje vypaŭ los čałavieka nie zusim padrychtavanaha jak psichałahična, tak i mietadałahična».
Kabančuk ličyć, što kamanda Cichanoŭskaj «paspryjała tamu, što jaje pieršyja kroki atrymalisia nie zusim udałyja ŭ jakaści lidara pratestaŭ ci lidara vybaraŭ». Pry hetym vajar adznačaje, što Śviatłana Cichanoŭskaja jak asoba jamu impanuje, tamu što «jana prosta dobry čałaviek». Jon bačyć jaje rost jak palityka i spadziajecca, što kali jana budzie dalej zajmacca palitykaj, to ŭličyć pamyłki. «Jana zrabiła, jak kažuć, pracu nad pamyłkami», — adznačaje Kabančuk.
Što da Valeryja Sachaščyka, to, kaža Kabančuk, Połk Kalinoŭskaha damoviŭsia ź im ab spynieńni publičnaj krytyki adzin adnaho. Ale jon padzialiŭsia sutnaściu razychodžańniaŭ.
«Tam jość peŭnyja momanty, jakija źviazany ź nierazumieńniem ukrainskaha kantekstu. Toj šlach, jaki byŭ anansavany Sachaščykam na pačatku vajny, akazaŭsia pamyłkovym. My adrazu jamu pra heta skazali. I my bačym pa vyniku, što na siońnia isnuje naša padraździaleńnie jak samaje vialikaje. A ŭ inšych niešta nie vielmi atrymlivajecca ŭ hetym płanie».
Hladzicie całkam:
Kamientary