Alaksandr Sakuraŭ nie dumaŭ, što ŭ Biełarusi stolki brudu ŭ internecie
Rasijski režysior Alaksandr Sakuraŭ prakamientavaŭ vydańniu RBK admienu pakazaŭ jahonych filmaŭ «Sonca» i «Kazka» ŭ Minsku nibyta «pa techničnych pryčynach».
«Nijakaj techničnaj pryčyny. Ale ja nie dumaŭ, što tak šmat u Biełarusi brudu ŭ internecie. Niejki asablivy brud. Durnoćcie, što miascovy Minkult sam nie dazvoliŭ pakazać svaim maładym kiniematahrafistam cikavyja prykłady mastackaj pracy», — skazaŭ Sakuraŭ.
Pakazy byli zapłanavanyja na 11-13 sakavika z udziełam samoha Sakurava, a taksama režysiora Alaksandra Załatuchina. Sakuraŭ źbiraŭsia pradstavić novy film «Kazka» i film «Sonca» 2005 hoda, a jaho vučań Załatuchin — film «Chłopčyk ruski».
Ale suprać hetych płanaŭ apałčylisia dziaržaŭnyja prapahandysty, siarod jakich najbolš ščyravali Ryhor Azaronak i Vadzim Hihin. Treba dumać, jany i dabilisia ŭ Minkulcie admieny mierapryjemstva.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary