«Kapitulacyja — heta nie mir». Hienieralny sakratar NATA zaklikaŭ praciahvać dapamahać Ukrainie
Hienieralny sakratar NATA Jens Stołtenbierh, vystupajučy na pres-kanfierencyi ŭ Brusieli, vykazaŭsia adnosna taho, ci treba Ukrainie ciapier pačynać pieramovy z Rasijaj.
«Kapitulacyja — heta nie mir. Prezident Rasii Uładzimir Pucin pačaŭ hetuju vajnu i moža skončyć jaje siońnia. Ukraina nie maje takoj mahčymaści», — skazaŭ Stołtenbierh.
Taksama jon vystupiŭ z zaklikam da ŭsich sajuźnikaŭ praciahvać akazvać Ukrainie vajskovuju padtrymku.
«My pavinny praciahvać umacoŭvać Ukrainu, kab pakazać prezidentu Pucinu, što jon nie atrymaje žadanaha na poli boju. My pavinny sieści i damovicca pra rašeńnie, pry jakim Ukraina budzie pryznanaja jak niezaležnaja kraina», — zajaviŭ Stołtenbierh.
Niekatoryja ŭkrainskija ŚMI bačać u hetaj zajavie adkaz Papu Rymskamu Francišku, jaki napiaredadni zaklikaŭ Kijeŭ «vieści pieramovy, pakul situacyja nie pahoršyłasia».
Vystup Franciška ŭžo vyklikaŭ chvalu krytyki na Zachadzie. Siarod palitykaŭ, jakija asudzili jaho vykazvańnie, była, naprykład, ministarka zamiežnych spraŭ Hiermanii Analena Bierbak. «Ja dumaju, niekatoryja rečy možna zrazumieć, tolki kali ŭbačyć ich na ŭłasnyja vočy», — skazała jana. I dadała, što kali Ukraina i jaje sajuźniki «nie prajaviać siłu ciapier, miru nie budzie».
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu3
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary