Śviatłana Cichanoŭskaja i hienieralny sakratar Rady Jeŭropy napisali sumiesnuju kałonku dla Jeŭrańjus
Baraćba suprać aŭtakratyi źjaŭlajecca siońnia hałoŭnaj zadačaj Jeŭropy. My pavinny abaraniać kaštoŭnaści, jakija nas vyznačajuć, pišuć u sumiesnaj kałoncy dla Jeŭrańjus Śviatłana Cichanoŭskaja i hienieralny sakratar Rady Jeŭropy Maryja Piejčynavič-Buryč.
Šlach Jeŭropy na praciahu bolš za try čverci stahodździa adlustroŭvaje bačańnie, sfarmulavanaje adnym ź jaje baćkoŭ-zasnavalnikaŭ, Robiertam Šumanam: «Jeŭropa budzie stvorana nie adrazu i nie ŭ hatovym vyhladzie. Jana paŭstanie na asnovie realnych spraŭ…».
Jak i pradbačyŭ Šuman, Jeŭropa raźvivałasia krok za krokam, i kožnaje dasiahnieńnie značna palapšała žyćcio jaje hramadzian.
Hetaja Jeŭropa raźvivajecca i vychodzić za ramki hieahrafičnych aznačeńniaŭ, uvasablajučy supolnaść, prychilnuju da pravoŭ čałavieka, demakratyi i viaršenstva prava. Hetyja kaštoŭnaści, jakija adstojvajucca Radaj Jeŭropy, viadučaj arhanizacyjaj, jakaja vystupaje za pravy čałavieka, viaršenstva prava i demakratyju na našym kantyniencie, − heta mienavita toje, za što siońnia mužna zmahajucca mnohija biełarusy.
Choć Biełaruś nikoli nie była dziaržavaj — čalcom Rady Jeŭropy, heta nie pieraškodziła joj pracavać nad nabližeńniem krainy da jeŭrapiejskich kaštoŭnaściaŭ.
Adnak aficyjnyja kantakty i supracoŭnictva byli rezka spynienyja paśla pačatku poŭnamaštabnaj ahresii Rasii suprać Ukrainy.
Zamiest hetaha Rada Jeŭropy stvaryła ŭ 2022 hodzie kantaktnuju hrupu pa supracoŭnictvie z demakratyčnymi siłami i hramadzianskaj supolnaściu Biełarusi. Heta navatarskaja inicyjatyva, raspracavanaja paśla spynieńnia ŭsich kantaktaŭ ź mienskim režymam, jakaja ciapier słužyć prykładam dla inšych arhanizacyj.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary