Kaciaryna Pytleva padzialiłasia dobrymi navinami pra svajo zdaroŭje
Tele– i radyjoviadoŭca Kaciaryna Pytleva, jakoj letam 2022 hoda dyjahnastavali rak małočnaj załozy, padzialiłasia ŭ fejsbuku navinoj, što ŭ druhoj vydalenaj hrudzinie ŭ jaje złajakasnych kletak nie znajšłosia. Heta daje nadzieju, što chvarobu ŭdałosia kančatkova pieramahčy.
«Važny dzień dobrych navin. U druhoj vydalenaj hrudzinie ni kletački raku! Mnie zrabili ŭnikalnuju apieracyju pa rekanstrukcyi, i ciapier pa žanočaj častcy raku viartacca niama kudy. Byli prablemy na apieracyi, ale ciapier usio dobra, i napieradzie viasna, reabilitacyja, novyja pracy, prajekty i cudoŭnaje novaje žyćcio. Chočacca vieryć, što heta ŭžo kropka ŭ #majavajna.
Kaniešnie, leki ja budu pić jašče 5-7 hod, ale ryzyki ŭžo nie takija, jak byli. Dziakuj usim, chto pieražyvaŭ, padtrymlivaŭ i dasyłaŭ pramiani dabra, jany ŭsie dajšli. Ja źziaju, jak ptuška fieniks. Pajšła nieści hetaje śviatło i dabro ŭ śviet. Cudoŭnaha dnia, Čałavieki!» — radujecca žurnalistka.
Pra svaju chvarobu Kaciaryna Pytleva paviedamiła ŭ lipieni 2022 hoda. U jaje była kiepskaja spadčynnaść, bo pa matčynaj linii było piać vypadkaŭ zachvorvańnia na rak małočnaj załozy. Tamu Kaciaryna chacieła dziela prafiłaktyki zahadzia vydalić abiedźvie hrudziny, ale nie paśpieła hetaha zrabić i musiła lačycca ŭžo paśla vyjaŭleńnia chvaroby.
Spačatku joj vydalili puchlinu i pryznačyli chimijaterapiju. Paźniej Pytleva pieraniesła apieracyju pa vydaleńni druhoj hrudziny.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj12
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary