U Vialikabrytanii rabočyja padčas prakładki tunelaŭ pad nacyjanalnaj halerejaj Łondana vyjavili ruiny staražytnaha saksonskaha horada Łundenvika, jaki isnavaŭ u VII stahodździ. Jak akazałasia, heta pasielišča było našmat bolšym, čym mierkavali historyki, paviedamlaje sajt univiersiteckaha kaledža Łondana.
«Vyjaŭlenyja nami dokazy dazvalajuć vykazać zdahadku, što haradski centr Łundenvika raspaŭsiudžvajecca dalej na zachad, čym pieršapačatkova mierkavałasia», — adznačyŭ kiraŭnik raskopak archieołah Styvien Uajt.
Paviedamlajecca, što archieołahi vyjavili tut mnostva śladoŭ čałaviečaj dziejnaści, uklučajučy ačah, słupy, kały, ravy i nasypy. Radyjevuhlarodnaje datavańnie zaśviedčyła, što ŭzrost znachodak datujecca pamiž 659 i 774 hadami.
Da Łundenvika na hetym miescy znachodziŭsia abniesieny ścianoj rymski horad Łandynium. U V stahodździ jaho zakinuli, adnak u nastupnyja stahodździ saksy zasnavali tut novaje pasielišča z handlovaj płoščaj i nabiarežnaj.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary