«Kali vy kažacie fak ju majoj krainie, to što čakajecie ŭ adkaz?» Biełaruskaja ŭdzielnica konkursu pryhažości adreahavała na skandał
Iryna Maksimovič, jakaja pradstaŭlała Biełaruś na «Mis Jeŭropa — 2024» i trapiła na skandalnaje videa z ukrainkaj, patłumačyła ŭ sacsietkach svaje pavodziny. «Kožny dzień na ŭvieś aŭtobus jana hladzieła naviny i kazała: voś, heta ŭsio z-za vas».
Skandał adbyŭsia na konkursie pryhažości «Mis Jeŭropa — 2024», što prajšoŭ u Livanie. Pieršaje miesca tam zaniała rasijanka, druhoje — dziaŭčyna z Turcyi. Biełaruska stała treciaj.
Ukrainskaja ŭdzielnica Milena Mielničuk u sacsietkach raspaviała, što arhanizatary konkursu prymušali jaje fatahrafavacca pobač z rasijskaj udzielnicaj, a kali jana admaŭlałasia, abražali jaje i pahražali.
A paśla finału biełaruska Iryna Maksimovič pačała kryčać na ŭvieś aŭtobus i abražać ukrainskuju ŭdzielnicu. Heta videa ź viciablankaj Milena vykłała ŭ sieciva.
Biełaruskaja kankursantka paśla šumichi vyjšła ŭ žyvy efir u instahramie, kab raskazać svaju viersiju padziej.
Iryna śćviardžaje, što ŭkrainskaja ŭdzielnica pravakavała ich z rasijankaj, ale jany jaje z pavahi nie zdymali na videa.
«Nie chacieła stajać na scenie z Rasijaj, buliła nas, my ŭsio ciarpieli, uvieś konkurs. Pasłała dyrektara MTV, zładziła isteryku, syšła sa sceny — heta nichto nie zdymaŭ, bo my darosłyja ludzi. (…) Charošy tytuł atrymała, ale ŭsio adno niezadavolena, treba absirać».
Pra kuplenyja miescy ŭsio prydumana, kaža biełaruskaja ŭdzielnica.
«Kožny dzień na ŭvieś aŭtobus jana hladzieła naviny i kazała: voś, heta ŭsio z-za vas.
(…) I pravilna ja skazała: a što ž, kali ty ŭ traury, udzielničaješ? Viedajecie, kali b u mianie była takaja situacyja, ja b naohuł nikudy nie pajechała, siadzieła b doma, padtrymlivała b svaich blizkich.
Tak, u vas sumnaja situacyja, mnie vielmi škada, u mianie vielmi šmat siabroŭ z hetaj cudoŭnaj krainy. Ale jość taksičnyja ludzi, jakija chočuć rabić skandał».
Iryna adkazała padpisčykam, što jana nie mahła pramaŭčać, kali jaje pasyłajuć i žadajuć śmierci.
«Kali vy kažacie fak ju ŭsim, fak ju majoj krainie i inšaj krainie, to što vy čakajecie ŭ adkaz? Čakajecie, što budziem maŭčać? Nie, kaniečnie. (…)
Lublu i Ukrainu, I Rasiju, i Biełaruś, i ŭsie krainy, u jakich jość sercy. A ŭ tych, u kaho niama… (…) Nichto nie budzie abražać mianie, maju siamju, majo krainu. Atrymała pa zasłuhach».
«Ja za svaju krainu zaŭsiody budu stajać horda i čotka. Nichto nie budzie pasyłać Biełaruś, nichto!»
— vykazałasia Iryna ŭ storys.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty4
Kamientary