«Chuli ty hołymi cyckami pryjechała treści na konkurs?» Biełaruskaja ŭdzielnica konkursu pryhažości abraziła ŭkrainku
Mižnacyjanalny skandał adbyŭsia na konkursie pryhažości «Mis Jeŭropa — 2024», što prajšoŭ u Livanie. Ukrainskaja ŭdzielnica Milena Mielničuk u sacsietkach raspaviała, što trapiła tam u piekła.
U instahramie dziaŭčyna raskazała, što jašče napiaredadni na jaje «chłynuŭ chejt ad rasijan»: joj telefanavali z pahrozami, nazyvali «nacystkaj i fašystkaj», pahražali raspaŭsiudzić porna z pryfatašoplenym jejnym tvaram.
Na samim konkursie arhanizatary prymušali jaje fatahrafavacca pobač z rasijskaj udzielnicaj, a kali jana admaŭlałasia, abražali jaje i pahražali.
Dyzajnier konkursu «Mis Jeŭropa — 2024», pavodle słoŭ Mielničuk, vydaŭ joj i rasijancy adnolkavyja sukienki, kab jany vyhladali «jak siabroŭki». Chareohraf staviŭ abiedźviuch dziaŭčat pobač na scenie, kazaŭ, što jamu «po**j na vajnu va Ukrainie», i nazyvaŭ ukrainku «chachłuškaj».
A ŭžo paśla finału biełaruska Iryna Maksimovič pačała kryčać na ŭvieś aŭtobus i abražać ukrainskuju ŭdzielnicu. Heta videa ź viciablankaj Milena vykłała ŭ sieciva.
Što papiaredničała takoj ahresii biełaruski, nieviadoma, ale supakojvali jaje i achoŭnik, i sami dziaŭčaty.
«Ty kažaš, Rasija h*no, Biełaruś h*no, a Ukraina što? Jakoha chrena ty pryjechała hołymi cyckami treści na konkurs», — kaža na videa dziaŭčyna.
Ukrainka ŭ hety čas na videa ničoha nie adkazvała, a biełarusku ŭsie prasili zamoŭknuć.
Biełaruska na konkursie zaniała treciaje miesca, rasijanka Roza Hadzijeva — pieršaje.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA46
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary