Amierykanski vajskoviec padpaliŭ siabie la pasolstva Izraila ŭ Vašynhtonie. Jon kryčaŭ «Svabodu Paleścinie!»
Supracoŭniki Sakretnaj słužby ZŠA patušyli ahoń, paciarpiełaha dastavili ŭ balnicu z pahražajučymi dla žyćcia traŭmami.
Vajskoviec amierykanskich VPS padpaliŭ siabie pierad pasolstvam Izraila ŭ Vašynhtonie, paviedamlajuć ekstrannyja słužby ZŠA. Pierad tym, jak heta zrabić, jon pačaŭ kryčać «Svabodu Paleścinie!».
Supracoŭniki Sakretnaj słužby ZŠA patušyli ahoń, paciarpiełaha dastavili ŭ balnicu z pahroźlivymi dla žyćcia traŭmami, paviedamili ŭ haradskoj pažarnaj słužbie. Ciapier jon znachodzicca ŭ krytyčnym stanie.
Amierykanskija ŚMI sa spasyłkaj na pradstaŭnika VPS ZŠA paviedamili, što mužčyna znachodzicca na vajskovaj słužbie.
Palicejskaje ŭpraŭleńnie Vašynhtona, amierykanskaja Sakretnaja słužba i inšyja pravaachoŭnyja orhany viaduć rasśledavańnie.
U zajavie palicyi Vašynhtona havorycca, što incydent adbyŭsia ŭ niadzielu kala 13:00 pa miascovym časie na vulicy Internešnł-drajv.
Akramia pasolstva Izraila, u hetym rajonie znachodziacca dypłamatyčnyja pradstaŭnictvy niekalkich dziaržaŭ, u tym liku Jehipta, Maroka, Nihieryi, Banhładeš i Sinhapura. Rajon raźmieščany ŭsiaho za 6 km ad Biełaha doma.
Jak paviedamlajuć amierykanskija ŚMI, pierad tym, jak padpalić siabie, mužčyna kazaŭ, što «bolš nie choča ŭdzielničać u hienacydzie», a zatym pačaŭ kryčać «Svabodu Paleścinie!».
Pres-sakratar izrailskaha pasolstva paviedamiła haziecie New York Times, što nichto z supracoŭnikaŭ pradstaŭnictva nie paciarpieŭ.
U zajavie Ministerstva zamiežnych spraŭ Izraila havorycca, što piersanał ambasady nie byŭ znajomy z čałaviekam, jaki padpaliŭ siabie.
Heta ŭžo nie pieršy vypadak samaspaleńnia pierad budynkam izrailskaj dypłamatyčnaj misii ŭ ZŠA.
U śniežni minułaha hoda čałaviek abliŭ siabie bienzinam i padpaliŭ pierad konsulstvam Izraila ŭ amierykanskim štacie Džordžyja. Pa słovach palicyi, na miescy zdareńnia byŭ znojdzieny paleścinski ściah.
«Takoje było, kali Hitler vyrašyŭ zabić habrejaŭ». Prezident Brazilii paraŭnaŭ vajnu ŭ siektary Haza z Chałakostam
Izrail abviaściŭ datu šturmu Rafacha, kali CHAMAS nie vyzvalić zakładnikaŭ
CACHAŁ śćviardžaje, što znajšoŭ zakinutuju schovanku lidara CHAMAS u siektary Haza VIDEA
Paleścina nazvała Rasiju aporaj u svajoj baraćbie
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary