Ramała (stalica Paleściny) nazvała Maskvu svaim «ščyrym siabram i prychilnikam» i vykazała škadavańnie, što CHAMAS vyrašyŭ nie źviartacca da Maskvy za pasiarednictvam u kanflikcie ź Izrailem.
Adnosiny pamiž Rasijaj i Paleścinaj nosiać stratehičny charaktar, i Ramała ličyć Maskvu aporaj u svajoj baraćbie za isnavańnie, zajaviŭ RBK dyrektar palityčnaha departamienta Arhanizacyi vyzvaleńnia Paleściny (AAP) Anvar Abdułchadzi.
«My ličym našych rasiejskich siabroŭ realnaj aporaj našaj baraćby», — raspavioŭ palityk u kułuarach XIII blizkaŭschodniaj kanfierencyi dyskusijnaha kłuba «Vałdaj». Rasijski i paleścinski lidary pravodziać rehularnyja telefonnyja razmovy.
Abdułchadzi adznačyŭ, što Maskva padtrymlivaje paleścincaŭ «u luboj situacyi» i jaje pasiarednictva va ŭrehulavańni kanfliktu ŭ siektary Haza było b vielmi efiektyŭna. Adnak CHAMAS, jaki kantraluje ekskłaŭ, paličyŭ za lepšaje źviarnucca pa dapamohu da Katara. «My ŭ svaju čarhu ličym, što Rasija — naš ščyry siabar i prychilnik i ŭskładajem vialikija nadziei», — zajaviŭ kiraŭnik palitdepartamienta AAP, jakaja kantraluje Zachodni bierah raki Iardan.
Palityk taksama dapuściŭ, što ŭ «samaj ahladnaj budučyni» moža adbycca vizit u Maskvu prezidenta Paleściny Machmuda Abasa, jaki płanavaŭsia jašče ŭvosień 2023 hoda, ale byŭ pieraniesieny. «Pavodle maich acenak, ciaham niekalkich tydniaŭ», — zajaviŭ jon.
-
Miedyja z televizijnaha puła Biełaha doma padtrymali telekanał CNN u kanflikcie z Trampam. Nie zastaŭsia ŭbaku i Fox News
-
Śpiavačka Łalita na kancercie maciuknułasia prosta ŭ mikrafon, kali prylacieli ŭkrainskija drony VIDEA
-
Tramp nie paviedamlaŭ Litvie pra namier zaklučyć z Łukašenkam pahadnieńnie pa ŭhnajeńniach
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary
Jakoje dačynieńnie terytoryja Zachodniaha bieraha raki Iardan pad kiraŭnictvam Abasa maje da CHAMAS?