Stylovuju biełaruskamoŭnuju šyldu staličnaha kafe zamianili na ruskamoŭnuju.
Siońnia na fasadzie doma pa płoščy Pieramohi zamiest vyvieski «Biarozka», vykananaj u retra-styli 1960-ch hadoŭ, krasujecca prostaja vyvieska «Bieriozka». Fota apublikavaŭ u svaim telehram-kanale fud-błohier Kakabaj.
Maładziožnaje kafe «Biarozka» na hetym miescy adkryłasia ŭ 1967 hodzie. U pamiaškańni, dzie da taho raźmiaščałasia pieršaja ŭ BSSR zakusačnaja-aŭtamat, całkam źmianili interjer: kałony stali nahadvać stvały biaroz, uzdoŭž vitrynnych voknaŭ ciahnulisia barnyja stojki. Tut pa viečarach źbirałasia moładź z usiaho horada.
U 1980-ja hady «Biarozka» praciahvała zastavacca tusovačnym maładziožnym miescam, ale nastupnyja 30 hadoŭ praktyčna nie źmianiała farmatu i nie viedała ramontu. Pamiaškańnie pačało prychodzić u nieprydatnaść, kancepcyja sastareła.
U 2015 hodzie paśla pravierki Minhandlu «Biarozka» spačatku prypyniła svaju pracu, a paśla začyniłasia kančatkova.
Ale kafe vykupiła kampanija Golden Project, viadomaja takimi prajektami, jak Golden Coffee, «Anhieły», Kinza i inš., jakaja dała «Biarozcy» novaje žyćcio.
Mienavita tady dla «Biarozki» byŭ raspracavany łahatyp i vyvieska, vykanynyja retra-šryftam. Ale i raniejšyja vyvieski na kafe byli biełaruskamoŭnymi, niachaj i nie vielmi stylovymi.
«Naša Niva» — bastyjon biełaruščyny
PADTRYMAĆCiapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA49
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary
Ale...skarhi pisać budziecie? Kali nie, to i aburacca niečaha. Ciarpicie, jak zausiody zvykli ciarpieć.