Hramadstva1313

«Mienavita tut šlach vyrašyli paŭtaryć». Na Homielščynie nasadžajuć kult Kaciaryny II

Praź finansavańnie niekatorych maštabnych prajektaŭ na Homielščynie nasadžajecca kult rasijskaj carycy Kaciaryny II, jakaja ŭ svoj čas dałučyła Biełaruś da Rasijskaj impieryi. Chto prasoŭvaje kałanijalny prajekt «Darohami Kaciaryny», daviedałasia vydańnie «Štodzień».

Fantazijnaja hraviura XIX stahodździa, u jakoj nibyta adlustravanyja abstaviny padarožža Kaciaryny ŭ XVIII stahodździ

Rehijanalnyja dziaržaŭnyja ŚMI Homielskaj vobłaści adspravazdačylisia pra vyniki foruma «Biznes-dni ŭ Homieli», jaki prajšoŭ u Homieli ŭ pačatku śniežnia. Na mierapryjemstvie, arhanizavanym Homielskim adździaleńniem Biełaruskaj handlova-pramysłovaj pałaty, raskazali pra vynik supracy biełaruskich śpiecyjalistaŭ z rasijskimi kalehami z Branskaj dy Smalenskaj abłaściej i Sankt-Pieciarburha.

Havorka idzie pra vialiki transpamiežny prajekt «Darohami Kaciaryny», zhodna ź jakim buduć prakładzienyja turystyčnyja maršruty pa histaryčnych miescach Homielščyny, jakija «naviedvała rasiejskaja impieratryca». U pryvatnaści, paviedamlajecca, što prapracoŭvajecca jak turystyčnaja infrastruktura, tak i rovarnyja adrezki šlachoŭ, mahčymaści naviedvańnia abjektaŭ, stvareńnie tematyčnych suvieniraŭ i h. d.

Abmierkavańnie prajektu «Darohami Kaciaryny» ŭ miežach Homielskaha biznes-forumu. U centry zdymka — pieršaja sakratarka ambasady Rasii, kiraŭnica Ruskaha doma ŭ Homieli Volha Baranienka. Fota: Homielskija viedamaści

Prezientacyja prajekta «Darohami Kaciaryny» adbyłasia ŭ lutym 2023 hoda. Jak adznačyła jaho inicyjatarka, dyrektarka ŭstanovy «Terytoryja raźvićcia — XXI stahodździe» Iryna Bahdaniec: «Ideja stvareńnia novych turystyčnych abjektaŭ uźnikła na asnovie lehiendaŭ i histaryčnych faktaŭ pra padarožža Kaciaryny II pa terytoryi Homielskaha i Karmianskaha rajonaŭ».

Da hetaha prajektu niepasredna dałučanaja rasijskaja ambasada i jaje instytuty:

«Asnoŭny prajekt, jaki my siońnia abmiarkoŭvajem i jaki padtrymaŭ Ruski dom, — «Darohami Kaciaryny» — cikavy dla abiedźviuch krain (…) Viedaju, što mnohija rehijony Rasii dałučylisia da prajektu, jaho cikava pašyrać (…) Prajekt namahajecca adnavić maršrut pajezdak impieratrycy, jakaja lubiła padarožničać (…) Maršrut nie vypadkova pačynajecca z Homielskaj vobłaści, na hetaj ziamli Kaciaryna byvała nie raz i mienavita tut šlach vyrašyli paŭtaryć», — zaŭvažyła ŭ kamientary «Homielskim viedamaściam» niadaŭna pryznačanaja kiraŭnička Ruskaha doma Volha Baranienka.

Z hetaj frazy vynikajuć, jak minimum, dźvie vysnovy. Pa-pieršaje, Rasija vydzialaje i budzie vydatkoŭvać hrošy na prasłaŭleńnie ŭ Biełarusi carycy Kaciaryny II. Pa-druhoje, dla realizacyi dadzienaha prajektu buduć pryciahvacca čynoŭniki roznych uzroŭniaŭ, u vyniku čaho ŭ ich budzie farmiravacca łajalnaje staŭleńnie da rasijskich impierskich naratyvaŭ.

Užo ciapier da prajektu dałučanyja ŭstanovy adukacyi Homielskaha i Karmianskaha rajonaŭ, miascovyja čynoŭniki, «deputaty» i studenty Homielskaha dziaržaŭnaha ŭniviersiteta imia Skaryny.

Homielski prajekt «Darohami Kaciaryny» ŭžo zajmieŭ padtrymku ŭ Rasii, maje ŭznaharodžańni ŭ naminacyi «Za zachavańnie adzinaj sajuznaj kulturnaj spadčyny» ŭ naminacyi «Najlepšaja ideja turystyčnaj padziei», finał jakoj prachodziŭ u Nižnim Noŭharadzie. A ŭ pačatku 2024 hoda startuje mižnarodny konkurs na lepšyja idei «Suvieniry ad Kaciaryny», vyniki jakoha buduć padviedzienyja ŭ traŭni na forumie «Viasna ŭ Homieli».

Kamientary13

  • Antek
    13.12.2023
    Nastupnaje- "Šlach Ivana Žachlivaha", jaki złučyć Maskvu z Połackam...
  • Volha
    14.12.2023
    Usia henaja impierščyna pajedzie adsiul abaviazkova - uśled za ruskim karablom.
  • Bahdan
    14.12.2023
    Uražvaje kolkaść mankurtaŭ i zdradnikaŭ siarod tubylcaŭ.

Ciapier čytajuć

Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu29

Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu

Usie naviny →
Usie naviny

Jon byŭ jak žyvy ščyt. Maryja Maroz raskazała, čamu jany ź Cichanoŭskaj patrabavali, kab ź imi da miažy jechaŭ kiraŭnik AAC Paŭlučenka7

Ušakoŭ: Amierykancy zrabili nam prapanovu, jakaja nam padałasia prymalnaj16

Łukašenka: Škadavać hrošaj dla KDB nie treba29

Na ANT zajavili, što Łatuška ŭ kancy lipienia 2020 nibyta chacieŭ spalić štab Cichanoŭskaj. Łatuška adkazaŭ na heta10

«Stracili 5% sumy i try tydni». Jak biełarusy pazbaŭlajucca ad drennaj valuty i dzie jaje prymajuć2

52-hadovaj minčancy prysudzili kałoniju za «zakliki da pryčynieńnia škody Biełarusi»1

Pastupić u Jeŭropu ŭsio jašče realna. Jeŭrapiejski humanitarny ŭniviersitet abjaviŭ ab praciahu pryjomnaj kampanii 20251

Łukašenka pravodzić naradu z KDB15

Minčuk na «Leksusie» tajamniča prapaŭ pad Minskam. Nichto nie viedaje, kudy jon dzieŭsia

bolš čytanych navin
bolš łajkanych navin

Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu29

Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu

Hałoŭnaje
Usie naviny →

Zaŭvaha:

 

 

 

 

Zakryć Paviedamić