«Vielmi adpaviadaje duchu času». U Žodzinie da viasnovaha konkursu dla dziaŭčat vypuścili aryjenciroŭki ŭ milicejskim styli
6 sakavika ŭ Žodzinie ŭ Pałacy kultury BiełAZa projdzie tradycyjny konkurs, pryśviečany Mižnarodnamu žanočamu dniu. Ale zamiest zvyčajnaj afišy konkursu na staroncy ŭstanovy kultury źjaviłasia aryjenciroŭka ŭ styli siłavikoŭ, zaŭvažyła Ex-press.by.
«Adšukvajucca dziaŭčaty — samyja aktyŭna-kreatyŭnyja rabotnicy AAT «BiełAZ» va ŭzroście ad 25 da 40 hadoŭ dla ŭdziełu ŭ karparatyŭnym šou-konkursie «Zavadčanka-2024». Kali vam što-niebudź viadoma pra miescaznachodžańnie šukanych, prośba paviedamić pa telefonie. Tych, chto znojdzie, čakaje ŭznaharodžańnie ad DK «BiełAZ», — napisali arhanizatary konkursu.
Adzin z karystalnikaŭ sieciva prakamientavaŭ heta tak:
«Dyzajn i kancepcyja vielmi spadabalisia, vielmi adpaviadajuć duchu času. Numary na birkach, škała rostu za śpinoj. Spadziajusia, što za aŭtaram (aŭtarami) nie pryjduć z rospytami pra toje, što jany mieli na ŭvazie.
Praŭda, nie zusim zrazumieła, jak heta rascanić — ci to ździekujucca, ci to sapraŭdy nahadvajuć pra palitviaźniaŭ. Mastactva — lusterka epochi.
Zavadčanki znojdzienyja i abiasškodžanyja, ciapier, vierahodna, jany buduć uziatyja pad vartu ideołahaŭ. Spadziajusia, abydziecca pakajannym vystupam u DK «BiełAZ».
«Adčuvańnie, što vybiežyć atrad aŭtamatčykaŭ i ŭsich pakosić». Jak biełarusy jeździać z Polščy na radzimu praz Rasiju
«Usiaho za 20 jeŭra ja dapamahu «zabycca» znojdzienuju infarmacyju». Źjaviłasia machlarskaja schiema ci pravakacyja, mahčymaja tolki ŭ Biełarusi
«U kancy dopytu sa złym tvaram hladzieŭ na moj DNŽ». Biełarus raskazaŭ, jak źjeździŭ dadomu paśla dvuch hadoŭ žyćcia ŭ Polščy
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary