«Usiaho za 20 jeŭra ja dapamahu «zabycca» znojdzienuju infarmacyju». Źjaviłasia machlarskaja schiema ci pravakacyja, mahčymaja tolki ŭ Biełarusi
Pra niezvyčajnyja paviedamleńni, jakija atrymlivajuć biełarusy ŭ Varšavie, napisała vydańnie Most. Ale jość źviestki pra toje, što takija samyja prychodziać i biełarusam u Biełarusi.
Paviedamleńni prychodziać ludziam na elektronnuju poštu, ale aŭtar źviartajecca da atrymalnikaŭ pa ich niku i ID u instahramie. Teksty ŭsich atrymanych paviedamleńniaŭ supadajuć, a voś imiony, jakimi pradstavilisia adpraŭniki, adroźnivajucca. U adnym vypadku nazyvajucca Uładzimiram, u inšym — Mikałajem.
Aŭtar paviedamleńnia prapanuje pieraličyć jamu 20 jeŭra ŭ abmien na toje, što jon «zabudzie» pra aktyŭnaść ludziej u «ekstremisckich» hrupach.
«Vymušany paviedamić, što ŭ vas mohuć uźniknuć prablemy z zakonam. Kankretna ŭ vašym vypadku sprava budzie raspačataja pavodle artykuła 361-4 KK RB «Sadziejničańnie ekstremisckaj dziejnaści». Ja razumieju, što takoje pakarańnie, jak piać hadoŭ turmy, nie adpaviadaje ciažaru vašaj viny.
Tamu prapanuju svaju dapamohu: usiaho tolki za 20 jeŭra ja dapamahu «zabycca» znojdzienuju infarmacyju», — havorycca ŭ liście.
Dalej idzie spasyłka, pa jakoj možna atrymać instrukcyju.
«Na žal, času na rozdum u vas niašmat. Inakš prahrama aŭtamatyčna pieradaść danyja pra vašu aktyŭnaść u pravaachoŭnyja orhany RB. Zahadzia papiaredžvaju, što vydalać i zakryvać svaju staronku pozna: usia infarmacyja pra vašu aktyŭnaść z 2020 hoda ŭžo daŭno sabranaja i znachodzicca ŭ majoj bazie», — piša aŭtar paviedamleńnia.
Kali za hetym stajać zvyčajnyja machlary, to schiema dla ich, treba skazać, praktyčna nie niasie ryzyki. Kali niechta ź pierastrašanych biełarusaŭ na hety razvod paviadziecca i pieraličyć hrošy, to, zrazumieŭšy svaju pamyłku, u milicyju pisać zajavu jaŭna nichto nie budzie — sabie daražej.
Nielha, adnak, vyklučać i mahčymaści śviadomaj pravakacyi z boku siłavikoŭ. Kali čałaviek, jaki na heta klunie, pačnie pieravodzić kudyści hrošy za maŭčańnie, to heta mohuć patencyjna patraktavać jak pryznańnie viny. I čałaviek, chočučy vybavicca ź biady, naadvarot, sam jaje na siabie nakliča.
Machlary stali padmanvać biełarusaŭ praz daktaroŭ
Na minčuka machlary aformili dva anłajn-kredyty. Jon pajšoŭ u sud i pieramoh
Žančyna ledź nie straciła kvateru, jakuju zdavała pa damovie. Jak tak?
65-hadovaja piensijanierka pieraličyła machlaram 15 tysiač rubloŭ. A nie treba było vieryć fejkavamu Azaronku
Ciapier čytajuć
Na Alaksandru Hierasimieniu napali ŭ centry Varšavy18
Kamientary