Na minčuka machlary aformili dva anłajn-kredyty. Jon pajšoŭ u sud i pieramoh
Hetaja historyja adbyłasia jašče ŭ 2021 hodzie, ale raźbiralnictvy z bankam skončylisia tolki ciapier.
U mai 2021 hoda mužčynu patelefanavaŭ nibyta rabotnik banka i raskazaŭ, što na jaho imia źbirajucca ŭziać kredyt, tamu terminova patrebnyja kody z SMS. Pry hetym jaho pašpartnyja źviestki ŭžo byli ŭ machlaroŭ. Vynik — na minčuka ŭziali dva anłajn-kredyty na 9900 rubloŭ, hrošy adviali, pakinuŭšy jamu tolki daŭhi, piša Onliner.by.
Mužčyna nie pahadziŭsia z vypłatami i paprasiŭ pryznać damovy niezaklučanymi. Sud pryniaŭ rašeńnie na jaho karyść i paćvierdziŭ, što minčanin nie viedaŭ ab ździajśnieńni ŭhodaŭ i nie ŭzhadniŭ ich istotnyja ŭmovy z bankam.
Ale bank padaŭ apielacyjnuju skarhu. Jaho pazicyja zaklučałasia ŭ tym, što pieradavać piersanalnyja i pašpartnyja źviestki nielha, adkaznaść za ich zachavanaść niasie tolki klijent, a kredyty vydadzieny pa ŭsich praviłach: projdzienaja pracedura aŭtentyfikacyi praź MSI, paćvierdžany asabistyja źviestki pazoŭščyka i dadziena ŭsia nieabchodnaja infarmacyja dla zaličeńnia hrašovych srodkaŭ.
Sudovaja kalehija Minharsuda, jakaja razhladała skarhu, vyrašyła pakinuć jaje biez zadavalnieńnia. Jana pryjšła da vysnovy, što, choć chtości vykanaŭ patrebnyja dla pieraličeńnia hrošaj dziejańni, minčuk nie vykonvaŭ aŭtentyfikacyju i identyfikacyju praź internet-bank z vykarystańniem sakretnych paramietraŭ.
Taksama ŭličvali, što «z-za adsutnaści ŭ pazoŭščyka adukacyi ŭ śfiery kampjutarnych technałohij, naležnych navykaŭ pry vykarystańni mabilnych i internet-dadatkaŭ» mužčyna nie moža viedać ab novych schiemach internet-machlarstva.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju5
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski55
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski5
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Takoje količiestvo mošieńničiestv, počiemu tolko odin sad vyihryšnyj? Ili eto jedinstviennyj čiełoviek, kto pošieł v sud?