Machlary prydumali jašče adzin sposab padmanu. Jon źviazany ź sim-kartami
Na telefon pastupaje zvanok ad «pradstaŭnika sotavaj kampanii», jaki paviedamlaje, što termin dziejańnia vašaj sim-karty zakančvajecca.
Dla pradaŭžeńnia terminu dziejańnia prosiać nazvać kod z SMS-paviedamleńnia, jakoje prychodzić na telefon, paviedamlajuć «Naviny Šumilina».
Takim čynam machlary sprabujuć atrymać dostup u asabisty kabiniet na sajcie apieratara suviazi, paśla čaho ŭstanaŭlivajuć pieraadrasacyju paviedamleńniaŭ na patrebny machlaram numar, raskazaŭ staršy opierupaŭnavažany kryminalnaha vyšuku RAUS Alaksiej Burakievič.
U dalejšym machlary mianiajuć parol ad mabilnaha bankinhu.
Naprykład, žycharcy Šumilina patelefanavali byccam z sałona sotavaj suviazi MTS i paviedamili, što treba pierajści pa spasyłcy dla aŭtamatyčnaha pierazaklučeńnia damovy, kab termin dziejańnia sim-karty byŭ pradoŭžany. Žančyna zapadozryła machlarstva i tym samym źbierahła svaje hrošy.
U milicyi papiaredžvajuć: kali vam telefanuje «apieratar sotavaj suviazi» i kaža, što treba pradoŭžyć termin dziejańnia sim-karty, nie viercie! Udakładnić situacyju možna ŭ aficyjnym sałonie apieratara mabilnaj suviazi. Ničoha z vašaj sim-kartaj za niekalki hadzin nie zrobicca.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary