Biełaruś 17-19 lutaha z rabočym vizitam naviedvaje delehacyja Respubliki Sierbskaj Bośnii i Hiercahaviny na čale z prezidentam Miłaradam Dodzikam. Pra heta BIEŁTA paviedamili ŭ pres-słužbie MZS Biełarusi.
Pavodle dziaržahienctva, zapłanavany «nasyčany paradak vizitu, šerah sustreč i pierahavoraŭ, naviedvańnie šeraha pramysłovych pradpryjemstvaŭ, Nacyjanalnaj akademii navuk Biełarusi, DU «Minski navukova-praktyčny centr chirurhii i transpłantałohii».
U časie vizitu abmiarkujuć pytańni raźvićcia handlovych suviaziaŭ, uzajemadziejańnia ŭ śfierach pramysłovaści, achovy zdaroŭja, navuki i adukacyi, pašyreńnia dvuchbakovaj dahavorna-pravavoj bazy, piša dziaržahienctva.
Bośnija i Hiercahavina składajecca ź dźviuch častak — Fiederacyi Bośnii i Hiercahaviny (jaje nasielnictva — pieravažna baśnijcy-musulmanie i charvaty) i Respubliki Sierbskaj. Kali pieršaja aryjentavanaja pieradusim na Zachad, to ŭ Respublicy Sierbskaj, jakoj kiruje Miłarad Dodzik, mocnyja prasierbskija i prarasijskija nastroi. Nieabchodnaściu trymać raŭnavahu pamiž hetymi častkami tłumačycca niepaśladoŭnaść dziaržaŭnaj palityki Bośnii i Hiercahaviny. Abvastreńnie mižnacyjanalnych adnosin u hetym rehijonie ŭ pieršaj pałovie 1990-ch hadoŭ mieła vynikam kryvavuju vajnu z prykmietami hienacydu.
U Słavakii prapanavali adnavić siabroŭstva ź Biełaruśsiu
Łukašenkaŭskaja Biełaruś naźbirała kamplimientaŭ ad słavackich prarasijskich palitykaŭ
«U Orbana pistalet, a ŭ nas bazuka». Jeŭrasajuz pryhraziŭ razvalić ekanomiku Vienhryi, kali taja znoŭ zabłakuje dapamohu dla Ukrainy
Słavakija adnaviła supracoŭnictva ź Biełaruśsiu ŭ śfiery kultury
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič2
Kamientary
- Ale ŭ nas užo jość svoj dodzik doma
- BT: Siońnia samazvaniec prainśpiektavaŭ karoŭniki u Homielskaj vobłaści.