«Hadzińnik cikaje». Bajden uskłaŭ adkaznaść za śmierć Navalnaha na Pucina i nahadaŭ pra Ukrainu
Prezident ZŠA Džo Bajden adkrytym tekstam zajaviŭ, što ličyć adkaznym za śmierć rasijskaha palityka Alaksieja Navalnaha prezidenta Rasii Uładzimira Pucina. Pra heta jon skazaŭ padčas śpiecyjalnaha zvarotu ŭ suviazi sa śmierciu rasijskaha apazicyjaniera.
«Nie pamylajciesia. Pucin niasie adkaznaść za śmierć Navalnaha. Pucin niasie adkaznaść. Toje, što adbyłosia z Navalnym, źjaŭlajecca jašče adnym dokazam žorstkaści Pucina. Nichto nie pavinien padmanvacca, ni ŭ Rasii, ni dzie-niebudź u śviecie. Pucin skiravany nie tolki na hramadzian inšych krain, jak my bačyli z taho, što ciapier adbyvajecca va Ukrainie, jon taksama ździajśniaje žudasnyja złačynstvy suprać svajho ŭłasnaha naroda», — zajaviŭ Bajden.
Prezident ZŠA zajaviŭ, što byŭ adnačasova «nie ździŭleny i aburany» navinoj pra śmierć Navalnaha. Jon adznačyŭ, što Navalny mužna supraćstajaŭ hvałtu z boku rasijskich uładaŭ, za što byŭ adpraŭleny ŭ turmu i atručany, ale navat heta jaho nie spyniła.
«Jon byŭ takim, jakim nie byŭ Pucin. Jon byŭ advažnym. Jon byŭ pryncypovym. Jon ličyŭ, što možna pabudavać Rasiju, dzie isnavała b viaršenstva zakona. […] Jon vieryŭ u hetu Rasiju, i što heta była sprava, za jakuju varta było zmahacca i, vidavočna, navat pamierci», — skazaŭ amierykanski prezident.
U svajoj pramovie Bajden nahadaŭ, što ZŠA pakul tak i nie dali abiacanuju dapamohu Ukrainie, jakaja «abaraniajecca ad napadu Pucina».
«Admova padtrymać Ukrainu ŭ hety krytyčny momant nikoli nie budzie zabytaja. […] Hadzińnik cikaje. I heta pavinna adbycca. My pavinny dapamahčy ciapier», — skazaŭ na zakančeńnie amierykanski prezident.
Čytajcie taksama:
U mnohich krainach śvietu siońnia adbuducca akcyi ŭ pamiać pra Alaksieja Navalnaha
Što kazaŭ Navalny pra pratesty, biełaruskuju movu, Cichanoŭskuju i Łukašenku
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary