Drama Baroŭskaha. Jak kiraŭnik «Biełnaftachima» ŭznačaliŭ MAZ — tranzitam praz turmu
«Mnie niajomka, što ŭ jaho skłałasia tak žyćcio», — kazaŭ Łukašenka pra los Alaksandra Baroŭskaha.
Čytajcie. Pamior były hiendyrektar MAZa Alaksandr Baroŭski
Ciapier imia Alaksandra Baroŭskaha adyšło na druhi płan, ale ŭ kancy 2000-ch jaho turemnyja pryhody hrymieli na ŭsiu Biełaruś. Jaho, viadomaha top-mieniedžara, kiraŭnika «Biełnaftachima» KDB aryštavaŭ za złoŭžyvańnie słužbovymi paŭnamoctvami. Farmalnaja pryčyna — machinacyi z prodažam nafty.
Ale mnohija ekśpierty ličyli, što ŭ realnaści Baroŭskaha patapili za toje, što jon zanadta nabliziŭsia da ŭłady — jaho ličyli favarytam na pasadu premjer-ministra. Ale znajšlisia tyja, chto nie chacieŭ puskać Baroŭskaha ŭ vysokaje kresła.
Uźlot budučaha top-mieniedžara byŭ nadzvyčaj roŭnym i pradkazalnym. Naradziŭsia ŭ 1951 hodzie ŭ Babrujsku, uładkavaŭsia ŭ rodnym horadzie na «Biełšynu», tam i adpracavaŭ amal 30 hadoŭ. Prajšoŭ šlach ź nizoŭ da pasady hienieralnaha dyrektara. Moža, trochi i zatrymaŭsia na miescy, tolki ŭ 2001-m jaho pieraviali ŭ Navapołack, pastavili kiravać «Palimiram». U 2006-m čarhovaje pavyšeńnie — ciapier Baroŭski ŭznačaliŭ uvieś kancern «Biełnaftachim».
Karjera abarvałasia ŭ mai 2007 hoda. Śledstva mierkavała, što Baroŭski dziejničaŭ u intaresach «Trajpła» Juryja Čyža. Ale kiraŭnik «Biełnaftachima» nie pryznavaŭ vinu. Jon davodziŭ, što «Naftan» trapiŭ u składanuju finansavuju situacyju nie pa jaho vinie, a tamu što addaŭ uvieś prybytak za 2006 hod u Fond nacyjanalnaha raźvićcia krainy, pazbaviŭšysia takim čynam abarotnych srodkaŭ. Jaho słovy nie ŭziali va ŭvahu. Prysud — 5 hadoŭ źniavoleńnia. Baroŭski trapiŭ u kałoniju rodnaha Babrujska. Zdavałasia b, zvyčajnaja historyja źbitaha lotčyka.
Ale Baroŭskaha čakaŭ jašče adzin viraž. U śniežni 2008 hoda Łukašenka pamiłavaŭ jaho. U źniavoleńni Baroŭski pravioŭ paŭtara hoda, mienš za tracinu ad pryznačanaha terminu. Tady takija situacyi z vyzvaleńniem karupcyjanieraŭ byli dzivam, heta paśla ich pastavili na patok.
A jašče praz hod top-mieniedžara pastavili kiravać MAZam. Na novaj pasadzie jon adpracavaŭ z 2009 da 2012.
«Vaš hienieralny dyrektar prosta małajčyna, — kazaŭ Łukašenka na MAZie. — Vy viedajecie jaho los: z turmy ŭ hienieralnyja dyrektary. Mnie niajomka, što ŭ jaho skłałasia tak žyćcio. Ale jon mianie ŭraziŭ. Jon nie tolki reabilitavaŭsia i pakazaŭ siabie jak mužyk, ale i prynios šmat karyści dla krainy».
Vyšej za MAZ Baroŭski ŭžo nie skočyŭ.
-
Maryna Mientusava raskazała, što biudžet jaje siamji składaje 6000 dalaraŭ na miesiac i što jaje partnior byŭ udzielnikam hrupavoha zhvałtavańnia
-
U Viciebsku ŭzarvali komin kacielni VIDEA
-
Polskaje vydańnie nazvała Cierciela architektaram śpiecapieracyi, jakaja razhortvajecca paralelna z vučeńniami «Zachad»
Ciapier čytajuć
Na vučeńniach «Zachad» adpracoŭvajuć napad na Polšču i Litvu pad vyhladam abarony Kalininhrada18
Kamientary
Breaking News:
U studzieni prodažy MAZaŭ u Rasiju abvalilisia amal na 30%. Ich vyciaśniajuć z rynka RF kitajskija i rasijskija hruzaviki.