Vynieśli prysud biełarusu, jaki hod tamu naśmierć źbiŭ ravarystku ŭ Poznani
Rajonny sud Poznani vynies prysud biełarusu Alaksandru S., jaki roŭna hod tamu da śmierci źbiŭ viełasipiedystku na piešachodnym pierachodzie. Jaho prysudzili da 6,5 hadoŭ turmy, a taksama vynieśli pažyćciovuju zabaronu na kiravańnie aŭtamabilem, paviedamlaje Most.
Taksama sud abaviazaŭ biełarusa vypłacić 30 tys. złotych kampiensacyi svajakam achviary i jašče 5 tys. złotych — u fond dapamohi achviaram i postpienitencyjarnaj dapamohi.
Vyniesienaje pakarańnie miakčejšaje, čym prasiła abvinavačvańnie: prakuror zapytvaŭ 7,5 hadoŭ.
Sud paličyŭ biełarusa vinavatym u nienaŭmysnym ździajśnieńni DTZ sa śmiarotnym vynikam i kiravańni ŭ stanie narkatyčnaha apjanieńnia.
Trahiedyja adbyłasia 9 lutaha 2023 hoda na vulicy Dambroŭskaha ŭ Poznani. 27-hadovaja viełasipiedystka pierajazdžała darohu. Jana nie śpiašałasia, pakolki na tym pierachodzie była śpiecyjalnaja zona dla viełasipiedystaŭ. U hety čas u jaje ŭrezaŭsia aŭtamabil Uber, za rulom jakoha znachodziŭsia 35-hadovy hramadzianin Biełarusi. Dziaŭčynu reanimavali, ale vyratavać jaje nie ŭdałosia.
Ekśpiertyza vyjaviła, što ŭ momant DTZ mužčyna znachodziŭsia pad uździejańniem marychuany. Stupień narkatyčnaha apjanieńnia adpaviadała bolš čym pałovie pramile ałkaholu. U sudzie jon admaŭlaŭ, što prymaŭ narkotyki ŭ toj dzień, choć pryznavaŭ, što moh kuryć marychuanu ŭ papiarednija vychodnyja. Pry hetym chutkaść była vyšejšaja, čym patrabavali ŭmovy nadvorja i čas sutak.
Alaksandr pryjšoŭ u taksi niezadoŭha da trahiedyi. U dzień avaryi była tolki čaćviortaja jaho źmiena. Da taho momantu, śćviardžaŭ biełarus, jon jašče nie vyvučyŭ horad, pierasoŭvaŭsia z dapamohaj navihatara i nie viedaŭ, u jakim miescy piešachody i viełasipiedysty pierachodziać darohu. A na vulicy Dambroŭskaha, dzie zdaryłasia śmiarotnaje DTZ, i ŭvohule byŭ upieršyniu.
Alaksandra zatrymali ŭ lutym minułaha hoda, adrazu paśla DTZ. Adnak u žniŭni sudździa pryniaŭ rašeńnie vyzvalić jaho da suda, pakolki da taho momantu ŭ spravie byli sabranyja ŭsie dokazy. U siamji achviary heta vyklikała šok, svajaki aścierahalisia, što abvinavačany zmoža źbiehčy ŭ Biełaruś.
Paśla hramadskaha rozhałasu sudździa zabaraniŭ mužčynu pakidać Polšču. Palicyjanty pravieryli miesca, jakoje jon paznačyŭ jak miesca svajho znachodžańnia, ale tam jaho nie akazałasia. Vyśvietliłasia, što biełarus źjechaŭ u Ščecin. Tam jon byŭ paŭtorna aryštavany.
Sud nad biełarusam doŭžyŭsia sa śniežnia.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary