Hurt ź biełaruskimi karaniami, jaki pieražyŭ na minułym tydni składanuju epapieju z aryštam u Tajłandzie i pahrozaj departacyi ŭ Rasiju, siońnia prezientavaŭ albom «All the Best, vol. 1» — u jaho ŭvajšli asnoŭnyja chity roznych hadoŭ, pierazapisanyja z vykarystańniem sučasnych studyjnych technałohij.
«Dla hetaha relizu my pierazapisali 90% muzyčnych partyj kožnaj pieśni, pry hetym zachavaŭšy aryhinalnyja aranžyroŭki — atrymaŭsia nie prosta remasterynh, a paŭnavartasnaja rekanstrukcyja kožnaha treka. Dla rańnich piesień my taksama zapisali novyja vakalnyja partyi, pakolki aryhinalnyja studyjnyja zapisy akazalisia stračanymi.
U vyniku pieśni ŭ albomie hučać dakładna tak, jak my ich zaraz hrajem na kancertach, — i jakimi my b chacieli čuć hetyja treki, kali b zapisvali ich u 2024 hodzie. Pryjemnaha prasłuchoŭvańnia, siabry!», — paviedamiŭ hurt u svaim telehram-kanale.
U albom uvajšli takija chity, jak «Revalucyja», «Apošni hieroj», «Ślizkija vulicy» (sumiesna z Brainstorm), «Pałkoŭniku nichto nie piša», «Malitva» dy inš.
«Nam udałosia vyrvać chłopcaŭ z paščy hetaha krakadziła litaralna ŭ apošni momant». Padrabiaznaści, jak vyzvalali «Bi-2»
«Nam usie kazali, što heta zakaz ruskaha konsulstva, kab nas ekstradavać u Rasiju». «Bi-2» prakamientavała svajo zatrymańnie
MZS RF ździekliva pažartavała, što Izrail nie moža viarnuć zakładnikaŭ ź siektara Haza — u adroźnieńnie ad muzykaŭ «Bi-2»
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?2
Kamientary