Hrodziency stvaryli pietycyju suprać budaŭnictva novaha mikrarajona, jaki moža sapsavać vid na Kałožskuju carkvu
U Hrodnie chutka pačniecca budaŭnictva mikrarajona «Załaty» z tryma dzieviatnaccacipaviarchovymi damami. Hetyja vysotki buduć na fonie chrama 12 stahodździa. Dniami źjaviłasia pietycyja niazhodnych z takim rašeńniem.
Aŭtary pietycyi, jak i historyk architektury, ź jakim razmaŭlała «Naša Niva», adznačajuć, što Kałožskaja carkva źjaŭlajecca imaviernym kandydatam na ŭniasieńnie ŭ śpis suśvietnaj spadčyny JUNIESKA ad Biełarusi. A źjaŭleńnie na jaje fonie 19-paviarchovych budynkaŭ moža stać pieraškodaj dla atrymańnia hetaha statusu. Aproč taho, vysotki mohuć sapsavać panaramu na ŭnikalny chram.
U zvarocie zadajucca pytańniem, ci łahična rabić tak, kab žychary vysotak atrymali vydatny vid z voknaŭ na stary horad, a ŭsie inšyja haradžanie atrymali sapsavany vid na staražytny chram.
Taki padychod da horadabudaŭnictva aŭtar pietycyi nazyvaje iracyjanalnym z punktu hledžańnia ŭrbanistyki.
Aproč hetaha, aŭtary adznačajuć, što taki padychod da zabudovy horada ŭ siarednieterminovaj i daŭhaterminovaj pierśpiektyvie moža niehatyŭna adbicca na turystyčnaj pryvabnaści Hrodna.
U suviazi z hetym aŭtary pietycyi ŭ Hrodzienski harvykankam zaklikajuć miascovyja ŭłady nie ŭzvodzić mikrarajon «Załaty» abo abmiežavać vyšyniu budynkaŭ šaściu pavierchami.
Padpisać pietycyju možna da 8 lutaha pa spasyłcy.
Čytajcie taksama:
U Hrodnie pabudujuć novy mikrarajon — vysotki mohuć sapsavać vid na Kałožskuju carkvu
Chto i jak źniščaje histaryčny Brest — rasśledavańnie
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary
Vašie obraŝienije pieriedano v Sportłoto