Avast zakryła biełarusam dostup da svaich antyvirusaŭ i CCleaner
Češskaja kampanija Avast, viadomaja antyvirusnymi prahramami Avast i AVG, a taksama ŭtylitaj CCleaner dla ačystki Windows, spyniła pracu ŭ Biełarusi i Rasii ŭ suviazi z sankcyjami ES, piša Devby.io.
«U suviazi z rehulavańniem ekspartu praź niadaŭnija padziei my nie možam pradastaŭlać našy pasłuhi abo padtrymku karystalnikam u Rasii i Biełarusi. Kali vy karystalnik i vykarystoŭvajecie našyja pradukty, ich niekatoryja funkcyi mohuć nie pracavać abo vy možacie sutyknucca z pamyłkami pry vykarystańni našych servisaŭ i prahram. Prynosim svaje prabačeńni za mahčymyja niazručnaści i dziakujem vam za toje, što źjaŭlajeciesia našym klijentam», — havorycca na sajcie techpadtrymki Avast.
Usie pradukty i pasłuhi Avast stali niedastupnyja dla ŭsich karystalnikaŭ, jakija znachodziacca ŭ dźviuch krainach, z 29 studzienia 2024 hoda.
Pry adkryćci ŭstalavanych prahram jany bačać paviedamleńnie: «Na žal, hety pradukt nie padtrymlivajecca ŭ vašym ciapierašnim miescy znachodžańnia».
Usie płatnyja padpiski anulavanyja na niavyznačany čas i nie buduć abnaŭlacca paśla zakančeńnia terminu.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ99
Kamientary
Pierachodzim na fsbšny Kaśpierski!
Pabieda nad režymam! Sankcyi pracujuć!